بعد اتهامه بالاعتداء على نجله بالتبني.. شقيق تامر شلتوت يكشف حقيقة تعنيفه له

نشر "عمرو شلتوت" شقيق المذيع والفنان "تامر شلتوت" على حسابه الرسمي على موقع التواصل الاجتماعي "فيسبوك"، بيان وتوضيح بعد اتهام شقيقه تامر بالاعتداء على ابنه بالتبني، الذي يبلغ من العمر 5 سنوات، خلال تواجدهم في أحد المسابح بطريقة استفزت إحدى النساء هناك، والتي حاولت التدخل لتهدئة تامر وقام بالصراخ في وجهها ورفض تدخلها.

سجلت هذه المرأة تلك الواقعة مستغلة أن شلتوت شخص مشهور، ونشرت ما حدث عبر مواقع التواصل الاجتماعي، الأمر دفع وزارة التضامن الاجتماعي للتدخل وسحب الطفل من شلتوت وتحويله للتحقيق.

وقال شقيقه عمرو: "والله يا جماعة مش عارف اقول ايه، عشان بس مطولش الولد كان عمل حاجه كبيره مايسكتش عليها من غير ما اقول ايه هيا عشان الولد داخل شهر ٩ المدرسهة ومش اظرف حاجه ان زمايله يعرفوا حاجه زي كده في اول سنه ليه فباباه كان بيعنفه بناء على تكرار الموضوع واستشاره الدكتور، جات واحده ست عملت فيها المصلحه الاجتماعيه والام المثاليه لسنه٢٠١٩ تدخلت بمنتهي قلة الذوق بدون اي حق ومن غير ما تعرف الموضوع وبتزعق وتتخانق".

وتابع: "ف تامر رد قالها لو سمحتي متدخليش ده ابني وبربيه، فازاي بقي النجم والإعلامي المشهور يحرجها قدام الناس فقررت انها تردله الاحراج وتتشهر بالمرة ماهو الموضوع مش هيعدي كده بلوشي وبالمرة تملى شوية من عدم اهتمام المجتمع ليها وتبقى حديثة المجالس وأهو كله بحسابه قصدي بثوابه!! انا مش هقول الولد بيتعامل ازاي ولا هقول بيجيله ايه ولا واتقدمله في مدرسه ايه ولا بيتمرن ايه وفين ولا هقول بياخد كورسات ايه ولا كل ويك اند بيقضيه فين ولا هقول اي حاجه عشان احنا ولاد ناس الحمد لله ومش متربين علي أننا نتكلم في المواضيع دي، ولا ده اللي هيضيف حاجه لعيلتنا!!!".

وأضاف: "انا مش مضايق من الست دي على فكرة، ربنا يشفيها ويعافينا جميعا!!! انا مضايق انها فضحت الولد من غير ماتقصد وحرمته من احساس العيلة قصاد المجتمع المحيط بيه وقصاد زمايله في المدرسة وكده الولد داخل على عالم جديد زي المدرسة بفضيحة وشعور الدونيه الاحنا كنا جاهدين جدا في أننا نعوضهوله بينا زاد بفضيحه من واحده عايزه تتشهر وتملي كبريئها الزائف وتبقي محط أنظار الحواليها علي حساب إعلامي مشهور وولد صغير عنده ٥ سنين لسه بيحاول يواجه الدنيا لوحده شوفتوا اخره الهري والنفسنه والحقد والنفوس السوده والتدخل في شئون الآخرين بيوصل لفين ومين البيحاسب عليها لا حول ولا قوة الا بالله، حسبنا الله سيؤتنا الله من فضله ورسوله إنا إلى الله راغبون".

تفاعل الجمهور مع الحادث بشكل مختلف، فالبعض رأى أن تصرف شلتوت طبيعي يشبه تصرفات الآباء جميعا، وأن السيدة تتسبب بحرمان الطفل من حياة كريمة بعيدة عن مراكز الأيتام، لمجرد تدخلها في حياة خاصة لشخصية عامة، وفي المقابل رفض الكثيرون تصرف شلتوت، وقالوا إنه كان من الممكن أن يؤدب ابنه بعيدًا عن الناس حتى لا يتسبب له بأذى نفسي خاصة انه يعاني بسبب أنه متبنى.