تامر حسين يكشف كواليس أغنية "يوم تلات" لعمرو دياب
كشف الشاعر الغنائي تامر حسين كواليس أغنية "يوم تلات" لمطربها عمرو دياب التي أحدثت جدلا كبيرا في الأوساط الفنية.
وقال "حسين" عبر صفحتها على فيس بوك:« كلمة حق لأصحابها، للأمانة الفنان عمرو دياب عنده وجهات نظر وتفاصيل فى حاجات بسيطة بس بتبقى فى منتهى الذكاء والخبرة أشهدله ب ده».
وأضاف: «وأنا باخد من صديقى عزيز الشافعى لحن الأغنية دى أكتب عليه كان وهو بيددن اللحن بيقول ف القفله (فتفتوا الفتافيت وفتنونى) لأن عزيز بيألف ويلحن كمان واستوحيت منه فكرة العزومه على السطر ده... وبنيت سيناريو وحوار الأغنية وبدأت اتخيل مين هما التلت بنات وأشكالهم إيه... وللحظه بعد ما خلصت قلت أغير السطر بتاع فتفيتوا الفتافيت مع أنه عامل رونق للأغنية ودمه خفيف ف الغٌنا، وكانت القفله (هما أحلى ما شٌفت بعيونى ) والفنان عمرو دياب كان عنده بعد نظر فى الجدل اللى حايحصل ع السطر ده وتمسك بيه، وأهو السطر ده اللى لفت نظر الجميع فى الجدل والكومكس والسطر، ده اللى الهمنى فكرة الأغنية اساسا، وللأمانة وحقه كمان الموزع صديقى أسامة الهندى، هو اللى سمعها لعمرو وكان مٌتحمس للتغير ودى تحسبله هو كمان».
