منتج "كازابلانكا" يوجه رسالة لأمير كرارة: "بشكرك يا باشا مصر"
وجه المنتج وليد منصور منتج فيلم "كازابلانكا"، الشكر لبطل العمل النجم أمير كرارة، بعد نجاح الفيلم وتحقيقه أرقاما قياسية في عيد الفطر.
وقال منصور عبر صفحته الشخصية على موقع التواصل الاجتماعي "فيسبوك": "اولا انا احب اشكر بجد النجم الكبير امير كراره صديقي واخويا من سنين ان ربنا كرمني وعملت معاه كازابلانكا مع اني عارف ان كل شركات الانتاج بعد نجاحه الكبير في كلبش وحرب كرموز تهاتفت عليه".
وأضاف منصور: "هو صدق حلمي ان نعمل فيلم مختلف عن كل افلام الاكشن وابتدينا لحد ما وصلنا لنزول فيلم كازابلانكا في العيد وتكسيره لكل الأرقام اليوميه ومن اول يوم لحد دلوقتي اكبر ايراد الحمدالله".
واختتم: "بشكرك يا باشا مصر وبشكر استاذ هشام هلال وأستاذ بيتر ميمي علشان مجهودهم بجد وجميع النجوم الكبار اللي شاركوا الحلم ده وجميع فريق عمل كازابلانكا من اصغر فرد لأكبر فرد وكمان سينرجي والطاهر المشاركين في الانتاج لدعمهم، شكرا امير كراره نجم مصري علي الطراز العالمي".
