"صاحب للإيجار" صفحة تثير جدلا على "فيس بوك"

حالة من الجدل أثيرت عبر صفحات السوشيال ميديا منذ أمس، بعد تداول صفحة تحمل عنوان "صاحب للإيجار"، قالت فى منشور لها:" عندك إجتماع وعاوز حد يروحه معاك كلمنا.. عاوز واحدة تناسبك تمثل إنك مرتبط بيها ليله كامله كلمنا.. عاوزه حد يروح معاكي السنما وتاكله في حته حلوة بعدها كلمينا" وأختتمت قائلة:" إحنا بنأجرلك صحبك".

أثارت الصفحة غضب رواد السوشيال ميديا، فعلق البعض على منشورها فقالت نرمين أحمد:" إحنا وصلنا لمرحلة بؤس "، بينما علقت هدى محمد:" دى قلة حياء ولابد من محاسبة المسئولين على هذه الصفحة".

وسخر البعض الأخر من الصفحة فقال أحد المعلقين:" نسأل الاسئله المهمه، دلوقتى لو جبت واحد يوديني السينما هو اللي هيدفع عشان هو الراجل ولا انا اللي هدفع عشان انا اللي طالباه ؟".

وبدأ رواد فيس بوك يتفاعلون مع الصفحة، وقال شاب من خلال الكومنتات أنه يريد صديقة تبلغ من العمر 30 عامً لتناول الافطار معه فى رمضان:" منتظر ردكم والسعر".

وبينما كانت هناك حالة من الجدل، رد الأدمن قائًلا:" إحنا بجد مش بنهزر تابعونا الايام اللي جاية عشان تعرفوا اكتر عن خدمتنا".