رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

والد "طفل البلكونة": "مراتي اللي بتصرف".. وعمته: "هي حرة فيهم"

والد الطفل
والد الطفل

تداول رواد مواقع التواصل الاجتماعي، أمس الجمعة، مقطع مصور لـ"طفل البلكونة"، وهو يحاول الوصول إلى الشرفة وتظهر في الفيديو سيدة تعنفه لنسيانه "مفتاح البيت"، "الدستور" انتقلت لمنزل الطفل "أسامة" وحاورت والده عبدالرازق أبو زيد الذي قال: " احنا ناس غلابة، ومكنتش اعرف إن كل دا هيحصل، وكنت فاكر الموضوع أخره محضر وبعدين مراتي تمشي، لكن الموضوع كبر".

وأضاف: " أنا كنت في الفيوم بكشف عشان عندي الغضروف ودوالي في المعدة، ورجعت النهارده الصبح، والموضوع كبر عشان في واحد بيشتغل في جامعة زويل ساكن قصادنا وصور الموقف، وأنا لظروف مرضي مابشتغلش، ومراتي هي اللي بتصرف على البيت، ومن يومين اتسرق منى التوك توك اللي بشتغل عليه لما ظروفي الصحية بتسمح".

من جانبها، بررت عمة "طفل البلكونة" موقف والدته وقالت: " هي حرة تعمل إللى عايزاه لأنها شقيانة وهي اللي بتصرف على البيت لأن أخويا مريض وبيشتغل بالعافية، ودول عيالها وتعمل إللى عايزاه فيهم، محدش هيكون أحن عليهم منها، احنا بنام على الأرض، وهي مكنش معاها غير 10 جنيه بس هتأكل الأربع عيال بيها".

وتابعت: " هي مكنش معاها تجيب نجار يفتح الباب، فحاولت تخلي أسامه ينط عشان يفتح الباب، ولما معرفش فضلت تصوت وتعيط، وصعبت على جارهم الساكن في الدور السادس وجاب نجار على حسابه".