تصريحات رانيا يوسف في "الحكاية" الأكثر بحثًا على جوجل

بعد إذاعة حلقتها في برنامج "الحكاية" مع الإعلامي عمرو أديب، تصدرت الفنانة رانيا يوسف مؤشرات الأكثر بحثًا على موقع جوجل الشهير، للرد على أزمة فستانها الشهير.

وفي سطور، يرصد "الدستور" أبرز تصريحات رانيا يوسف، خلال برنامج "الحكاية" مع عمرو أديب، والمذاع على قناة mbc مصر:

ـ مش غاوية بهدلة أنا وبناتي، والفستان لم أقصد به إثارة كل هذا الجدل، واعتذر لكل من حسّ بضيق.

ـ الناس متعرفنيش من امبارح، ومش محتاجة شهرة، ومسلسلى تريند، ومش هضيع تاريخي عشان فستان أنا مش صغيرة.

ـ بنتى جاتلى من المدرسة تعيط ووالدتى مخضوضة، وقولتهلها متخافيش ربنا معانا، وهتعدى على خير.

ـ الفستان ماركة عالمية وموجود في مصر واشتريته مع أهلي وأولادي من مول في بلد عربي، وكان شكله حلو عليا وأنا بقيسه.

ـ البطانة اترفعت، وأنا مخدتش بالى، ومحدش نبهنى، كل المصورين كانوا بيصورونى من قدام، وواحد ساب المصورين وجه صورنى من ورا.

ـ لما شوفت صوري على المواقع من الخلف قولت الناس عندها حق، وهاخد بالي بعد كده وأنا بختار لبسي.

ـ قرأت الكثير من التعليقات السيئة للغاية، ومش مصدقة قسوة الناس عليا، ووصلني رسائل على الواتس آب سيئة.

ـ اللي حصل عن غير قصد ونية صافية، لو فيه غلط سامحوني.. حقكم عليا، ومكنتش متوقعة إن كل دا ممكن يحصل.

ـ لكل من هاجمني "الدنيا دوارة"، ستات كتير ممكن تتعرض للموقف دا.