حلم سارح ف الغيطان

على كد لقمة العيش
نشابه ومطارح
قلب طافح
مرار الصبر
ف الفنجان
ذى حلم سارح
ف الغيطان
متهان
من سولجان
الحلم طارح
حبهان حبهان
ما تجيش يا آخر
حلم كان
ساعة أدان
الكلمة طالعة
م الودان
جبان أنا اللى
بكتب لك رسايل
قلب شايل
حمل مايل
عل الودان
لمى الكذان
المسا دق البيبان
قيدى الشموع
قلبك الموجوع غنى
غنى وأنا
أنا لسه فاكرك من سنة
كل الغناوى ممكنة
فوق المنى
عمال بتلضم سوسنة
ف آخر السنة
حلمك سفر جوه البيوت
حلمك طرح فوق
فرع توت
شيلى السكوت
وقت الكلام
الناس نيام
والأبجدية فوق سطورها
بترمى السلام
لسه الوجع
شايل غرام
أنا كنت مكتوبلك
راسم على جبينك
آخر هيام
الحلم قام
يفرط على جبينك
آخر غرام
ارمى السلام
لا أهل السلام
وأنا بين عيونك
ضحكه بتقول الغرام
كدا والسلام