السيسي: العملية التعليمية التحدي الكبير لنا
قال الرئيس عبدالفتاح السيسي: "كان النقاش الذي دار إن الطلبة اللي دخلت الكليات دي دخلت على نظام تعليمي معين، وبالتالي لو عملنا معايير تقييم مختلفة يبقى إحنا ظلمناهم.. وأنا قلت لأ، أنا مش هقدر استحمل كده، لما تعطيني دفعة الطب اللي داخلة النهاردة حستلمها بعد 7 سنوات لكي يصبح إصلاح الأطباء أو المهندسين في مصر أو الصيادلة أو أي شكل من الأشكال التي نستهدف تطويرها".
وتابع الرئيس: "أؤكد أن أهمية إيماننا كشعب ومؤسسات وأجهزة، إننا لو نريد عمل ده يبقى عندنا الخيال اللازم والاستعداد اللازم للتجاوب لإنجاح الفكرة، ونبعد أنفسنا وأبناءنا، ونبعد خوفنا عليهم، لأننا نتحدث كثيرًا في الإصلاح، ولكن عندما نتخذ خطوات الإصلاح الحقيقية نجري عليها بس بلاش إحنا".
وأضاف السيسي: "أنا أتحدث عن الإنسان الذي سيقوم بالعملية التعليمية، وهذا تحدٍ كبير جدًا لنا في مصر، لأننا إذا كنا نتحدث إننا استطعنا نعمل الفصل والجامعة، فمن هو الإنسان الذي سيقوم بهذه العملية على مستوى 22 مليون طالب وطالبة؟".
وأوضح الرئيس: "لو جينا نتحدث عن إمكانياتنا كدولة بمنتهى البساطة والصراحة لن نستطيع أن نلبي هذه المطالب بشكل كامل، وهتتبقى الأفكار والمبادرات"، مضيفًا "زي ما تحدثت إن الجامعة ابتدت النهاردة، صحيح مش شرط إنها تكون اتعملت كلها، وأصبحت جامعة كفر الشيخ المركز الأول مثلا بالشكل اللي نتمناه، لكن خطوة اتعملت وبجهود ذاتية".
وقال الرئيس السيسي: "سنعمل المسابقة قبل انتهاء العام الدراسي بأسبوعين لكي نسلم الجامعة للإجازة عشان الناس تيجي وطلبة الجامعة تيجي فيها".
