صلاح يكشف تفاصيل أزمته مع اتحاد الكرة: أنا مبطلبش حاجة لنفسي (فيديو)

أوضح اللاعب محمد صلاح من خلال فيديو على الفيسبوك تفاصيل أزمته مع اتحاد الكورة، مؤكدًا أنه لا يريد الدخول فى صراع، وأنه نشر هذا الفيديو للرد على ما حدث خلال اليومين الماضيين وتوضيح الأمور، وأنه يريد عرض وجهة نظره للرد على وجهة النظر الأخرى في إشارة إلى بيان الاتحاد المصري.

وأضاف: أن "أسهل طريقة للتضليل هي تشويه المشكلة وتبسيطها وجعلها تبدو كأنها مشكلة شخصية"، وتابع بالقول إن ما يطلبه هو من أجل جميع اللاعبين ومن أجل راحتهم، مشيرًا إلى أن ذلك نتيجة لما يشاهده ويتعامل معه خارج مصر ليكون في مصلحة جميع اللاعبين المصريين".

وبدأ صلاح الفيديو بـ"مساء الخير عليكم.. النهاردة أنا بعمل الفيديو ده بس عشان أرد على الحاجات اللى حصلت خلال اليومين دول، أنا مش عاوز أدخل فى صراعات ولا حاجة، أنتوا سمعتوا من وجهة نظر واحدة وأنا بحاول أوضح وجهة نظرى أنا كمان، أنا بتكلم عن حاجات بشوفها مع اللاعيبة مش عنى بس فى كذا نقطة عشان كل حاجة تكون واضحة".

وتابع: "أسهل طريقة للتضليل هي تشويه المشكلة، لا مشاكل شخصية لي مع أحد، ولكنني أريد أن يكون اللاعبين في وضع مريح وليس شخص صلاح فقط".

وذكر: "أول حاجة بخصوص الحارس الشخصي أنا اتكلمت أن يكون فى سكيورتى للمنتخب وإن حد يكون معايا، المعسكر الأخير نمت الساعة 6 الصبح، نزلت أتسحر قالولى مينفعش عشان أمنك وسلامتك، قالولى معلش إحنا آسفين فى ناس كتير تحت".

وأضاف: "أنا مش عاوز أوجه اتهام لحد لكن ده معسكر مغلق لمنتخب مصر المفروض محدش يشوف حد من اللاعبين، لكن هما أول حاجة قالوها دخلوها فى الوطنية إن صلاح مش بيحب وطنه، والناس عارفة أنا قد إيه بحب البلد".

وعن خطاب اتحاد الكرة الذي انتشر صباح اليوم الإثنين، قبل أن تخرج تأكيدات من المسئولين بأنه مفبرك، فقال صلاح: "الخطاب الذي قيل أنه مفبرك، أعلم جيدًا أنه خرج من هناك، وأتحدث هنا عن الخطاب الذي قالوا خلاله المدعو محمد صلاح".

وواصل صلاح: "ليه ميبقاش عندنا قناعة إننا ممكن نكون غلط، أنا مبطلبش حارس ينام جنبي، أنا بيكون معايا زميل فى الغرفة، وأنا مطلبتش حارس شخصي ليا يرافقنى، أنا طلبت يكون فى نظام للاعبين لكل مش صلاح بس".

وعن إشاعة تهرب "صلاح" من معسكر المنتخب قال: "فى ليفربول بقالى سنة مش جى دلوقتى أعمل مشكلة عشان مش عاوز أنزل معسكر المنتخب أو اتكبرت فى يوم وليلة، إحنا بعتنا خطابات كتير متردش عليها بتتساب بالأسبوع وأكتر ويتقال هيترد بعد الإجازة، ومفيش حاجة اترد عليها وقالوا إن فى حاجات كتير محصلتش وبيقال إنى بطلع الساعة 4 الفجر من الأوضة بتاعتي، أنا مطلبتش معاملة خاصة ولا أي حاجة من كده بس أنا بشوف بعينيا حاجات بتتعمل بره وإمكانيات سهل نعملها مش حاجات خارقة، فى أى منتخب بره بيحصل كده أنا مش جايب حاجة من دماغي".