رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

صاحبة فيديو البيض البلاستيك لـ«الدستور»:«أنا ماليش ميول سياسية»

جريدة الدستور

موجة من الجدل أثيرت على موقع التواصل الاجتماعي فيس بوك بعد تداول المهندسة "أميرة أحمد" فيديو بشأن وجود بيض بلاستيك في الأسواق المصرية.
وقالت أميرة لـ«الدستور» أنها قامت بشراء البيض من سوبر ماركت مجاور لمنزلها في محافظة الإسكندرية، واكتشفت أثناء طهيه على النار أنه مصنوع من البلاستيك.
وأضافت:« الناس هاجمتني وكانت عماله تقول ازاي بلاستيك مش بيسيح في الحرارة والمشكلة في الطاسة وأصله مش محطوط عليه زبدة والقشرة هيعملوها إزاي أولا أنا بقول انه شبه البلاستيك لكن والله مش أنا اللي مصنعاه عشان أعرف معمول من ايه أنا أم ويهمني صحة أولادي وأعرف هما بياكلوا ايه».
وتابعت:« على الفور أخذ زوجي طاسة البيض ونزل للسوبر ماركت مرة أخرى وأبلغ صاحب المحل بما حدث، وبعد ذلك اشترى بيض آخر من محل ألبان مجاور للمنزل وبعد ما قمت بطهيه أيضا وجدت أنه بيض بلاستيك، وعلى الفور قام زوجي بعمل محضر بالواقعة في قسم باب شرق، وظل صاحب المحل يتحايل على زوجي ليصمت وبالفعل حدث ذلك ولكن بعد شراء البيض من سوبر ماركت آخر ووجدنا نفس الأمر قررنا عمل محضر».
واستطردت:«انا مقولتش ان البيض ده بلاستيك ولا اننا مستوردينه من الصين، لأني معنديش المعلومات دي كل الحكاية اني لقيت البيض مش طبيعي وشبهته بانه عامل زي البلاستيك لانه فعلا كان كدة زي ما الناس شافت في الفيديو وخوفت اكله لولادي وروحنا عملنا محضر بيه عشان نعرف البيض ده فيه اي غلط ومصدره ايه عشان لو لا قدر الله طلع فيه حاجة غلط نبقي لحقنا نفسنا ولحقنا ناس تانية كتير غيرنا لانه مش فاسد ولا حاجة زي ما ناس كتير قالت ولا سوء تخزين عشان لو كدة فعلا كنت عرفت اول اما فتحتها من شكلها وريحتها لاني عندي اطفال وبقلي البيض بنفس الطريقة كل يوم تقريبا صيف شتا ومش بيطلع بالمنظر ده».
وختمت:«انا لم ارتكب جريمة بما نشرته وليس لدي أى ميول سياسية، ووكيل النيابة أمر بتحليل البيض ولم يقل لي إني لم أضع زبدة او أن الطاسة تيفال أو ما شابة، وسأوافيكم بالنتيجة فور ظهورها».
في حين قال الدكتور عبد العزيز السيد، رئيس شعبة الدواجن فى غرفة القاهرة التجارية، إن مصر لديها اكتفاء ذاتى من "البيض" وإنتاجنا يتراوح من 11 إلى 12 مليار بيضة سنويًا، نافيًا تمامًا ما تداول بشأن وجود بيض صينى فى الأسواق المصرية كما يزعم البعض.