رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

«الست بتحلو لما تحب ولا لما تتساب؟».. هكذا رد البنات

صورة أرشيفية
صورة أرشيفية

المرأة بطبيعتها تعشق الجمال، ولكن هناك بعض المواقف التي تجعل المرأة تزداد جمالا، فالبعض يري أن المرأة تزاد جمالا بعد الفراق، والبعض الآخر يري أنها تزداد جمالا عند أول مرة يدق فيها القلب لشخص ما، أما البنات فكانت هذه إجابتهن عن المواقف التي تجعلهن يزددن جمالا.

تقول سهام محمود، 23 سنة: «الست لا بتحلو لما تتساب ولا بتحلو لما تتحب الست بتحلو لما يبقي في إيديها فلوس كتير تشتري بيهم برندات وبرفانات يخلوها برنسيسة في نفسها كده بلا حب بلا وجع دماغ».

وتضيف رنين نادر، 20 سنة: «الست بتحلو لما تتساب علشان بتهتم بنفسها أكتر علشان تغيظ حبيبها الأولاني إنما من جوا بتفضل حزينة ومكسورة الست ما بتنساش بسهولة حد حبيته».

وكان لمروة مجدي رأي آخر، إذ تقول: «الست بتحلو لما تلاقي حد بيحبها وبيخاف عليها علشان بترتاح نفسيا والراحة دي بتخلي وشها ينور».

وتقول ميريهان الفيشاوي، 27 سنة: «الست بتحلو لما تبقي ناجحة ومبسوطة في شغلها والشغل دا بيحققلها عائد مادي ومعنوي كويس ساعتها بس بتحس أنها أجمل».

وتوضح فيروز منصور، 30 سنة: «الست بتحلو بوردة بهدية لطيفة بعشوة رومانسية في مطعم شيك لما يتقالها إيه الحلاوة والشياكة دي... الحاجات البسيطة دي بتخليها تحلو جدا».

وتابعت مني محمد، أم: «الست بتحلو طول ما ولادها هاديين ونايمين، غير كدا الست بتفضل منكوشة ومش لاقية وقت حتي تسرح شعرها».