رئيس مجلسى الإدارة والتحرير
د. محمد الباز
رئيس التحرير
وائل لطفى
رئيس مجلسى الإدارة والتحرير
د. محمد الباز
رئيس التحرير
وائل لطفى

مي كساب معلقة على أزمة زوجها: «سذاجته وتعليمه الضحل السبب»

مي كساب وزوجها أوكا
مي كساب وزوجها أوكا

علقت الفنانة مي كساب، على أزمة حبس زوجها الفنان الشعبي «أوكا»، بتهمة التزوير في أوراق رسمية للتهرب من أداء الخدمة العسكرية.

ونشرت«كساب» صورة عبر صفحتها الشخصية على موقع التواصل الاجتماعي «إنستجرام»، كتب عليها «مظلومين» قائلة: «كل اللي يعرفني من قريب يعرف كويس أني عمري ما كرهت حد ولا عمري أذيت حد ولا عمري عملت تصرف مخل بالشرف ولا اتنازلت عن شرفي ولا كرامتي في يوم من الأيام».

وتابعت: «أنا مش مي أنا واحده تايهه مش لاقيه نفسها موت أمي كسرني ومن بعدها أحداث كتير قوي وجعتني القريبين مني عارفين أنا استحملت حاجات صعبه كتير أد إيه السنين اللي فاتت بس الصراحه ده أصعب موقف اتحطيت فيه من يوم ما اتولدت، مش عشان ده جوزي وحب عمري وإحساسي بعدم وجوده جمبي كأن روحي متاخده من جسمي، لا عشان متأكدة إنه مظلوم متأكدة إنه ضحيه طيبته وسذاجته وللأسف ضحيه تعليمه المتواضع الضحل، ضحية ثقته الزياده عن اللزوم في أي شخص يقرب منه ويضحك عليه ويقوله أنا هاعملك ويوعده وعود كدابه وفي الآخر يستغله ويورطه«.

وأضافت: «طبعا لما باتكلم عن محمد كأني باتكلم عن أحمد كمان #اوكا_واورتيجا روح واحدة في جسدين ثقتي في رب العالمين كبيره جدًا أنه هينصرهم ويفك كربهم ثقتي في عداله القضاء العسكري كبيره أنه مش هيظلمهم ثقتي في قلوبكم الرحيمه كبيره إنكم هتقفو جمبهم ادعولهم وادعموهم أقسم بالله العلي العظيم«.