«الدكتور المتحرش» يستغل سلطته لـ«نهش أجساد فتيات فنون جميلة».. والطالبات ينشرن صور محادثات بها «ألفاظ خارجة»

لاقى هاشتاج «افصلوا المتحرش» على موقع التواصل الاجتماعي «تويتر»، رواجًا كبيرًا بين نشطاء الموقع، في إشارة إلى أحد أساتذة كلية فنون جميلة يدعى «ج.م.ع»، الذي تعمد التحرش بطالبات الكلية، وتوعدهن بالإيذاء إذا رفضن الاستجابة لرغباته المسمومة.

الهاشتاج، نال شهرة واسعة، وبدأت طالبات الكلية في سرد قصصهن مع الدكتور المتحرش، وقالت إحداهن: «هو أصلاً زبالة وزمايلي البنات دايمًا بيبقوا واقفين معايا لما بروحله.. ده نقصني 10 درجات علشان مكنتش لابسة الحلق اللي دايمًا بلبسه».

وأضافت طالبة أخرى: «الدكتور ده، لمس إيدي وأنا بسلم المشروع، ومرة وأنا برسم لمس ضهري بس خوفت أقول».

وعبر النشطاء عن غضبهم من صمت إدارة كلية فنون جميلة على الدكتور، وطالب النشطاء بضرورة التحقيق معه وفصله عن العمل؛ نظرًا لأنه يهدد الطالبات في حال فضحه بمنحهم درجات منخفضة في الامتحانات.

ونشرت طالبات «فنون جميلة»، عددًا من الصور لمحادثات دارت بينهم وبين «الدكتور المتحرش»، على موقع التواصل الاجتماعي «فيس بوك»، واحتوت على ألفاظ خارجة من الدكتور.

وعلق محمد تركي، طالب بكلية فنون جميلة: «نتيجة طبيعية لغض الطرف عن التحرش ووصفوه بالظاهرة رغم أنه كارثة مش مجرد ظاهرة وإلقاء اللوم على الضحية وسكوت الضحايا وخوفهم من ردة فعل المجتمع أن يبقي في دكتور ومدرس وفنان كمان بما أنه ف كلية فنون جميلة يستبيح الأجساد وخدش الحياء والتحرش ويبتز الطالبات بالدرجات الممنوح ليه سلطة تقديرها دون رقابة».

وقال مصطفى الشناوي، أحد النشطاء: «لما الطلبة خايفة تشتكي أن دكتور بيتحرش بيها لمجرد إنه ممكن يسقطها أو عشان عارفين، إن مش هيحصله حاجة وهييجي وقت وهينتقم منهم فيقرروا يسكتوا ويستحملوا التحرش عشان كلها سنة.. يبقي إحنا وصلنا لمستوي محترم جدا من القرف».