بالفيديو.. مدير مستشفى يهاجم الأطباء: "شوية صيّع.. وإيه يعني لما أمين شرطة يشتمك"

شن الدكتور نادر حليم مدير مستشفى الأنجلو، هجومًا عنيفًا على الأطباء المتظاهرين أمام مقر دار الحكمة خلال مشاركتهم في الجمعية العمومية الطارئة، لمناقشة إجراءات التصعيد على خلفية اعتداء أمناء شرطة على أطباء مستشفى المطرية قبل أيام.

وأضاف حليم، خلال مداخلته الهاتفية ببرنامج "الملف" المذاع عبر فضائية "العاصمة": "دول شوية صيع وإيه يعنى أمين شرطة يشتمك ماحنا بنتشتم طول النهار وبعدين هيتحاسب 3/4 الناس دى واخدين فلوس عشان يتظاهروا ويعملوا الكلام الفاضي ده وبعدين الشرطة اللي مش عجباهم والجيش دول هما اللى بيحموهم وهما نايمين بالليل كفاية قرف بقى".
وتابع: "مكان الدكتور في المستشفى، والمفروض الخونة اللى بيدعوا للإضراب دول يترموا في الجبل بمعسكرات ويفيدوا البلد بأي حاجة وكفاية طبطبة بقى الشرطة حطانا فوق دماغهم".
ووجه رسالًة إلى الأطباء، قائلًا: "كل واحد يروح شغله ويتلم وبلاش إضراب وقرف واللى ينزل مظاهرات يتلم بقانون التظاهر وإحنا عاوزين ننضف البلد من الأوباش دول".