بالفيديو.. متصلة لـ"آمنة نصير": "لبسك مش شرعي".. والأخيرة: "أنا ألبس اللي عاوزاه"

هاجمت متصلة تدعى "أم عبدالله"- في برنامج "بوضوح"، الذي يقدمه الإعلامي عمرو الليثي، على فضائية "الحياة"، آمنة نصير، عضو مجلس النواب عن قائمة "في حب مصر"- قائلة: "أنا عاوزة افهم انتي بتتكلمي على طول عن اللبس الشرعي، واللي انتي لبساه ده لبس شرعي؟".

وتابعت: "أنا لابسة نقاب من 26 سنة، ومقتنعة بيه سواء كان فرض أو سنة".

وردت عليها "نصير"، قائلة: "إنتي مش وصية عليا، اللبس الشرعي خصائصه ألا تصف ولاتَشِفّ ولا يلفت النظر، وأن تتغطي المرأة من شعرها إلى قدميها".

وقالت للمتصلة: "أنا ألبس اللي أنا عوزاه، والوصاية دي من الأخلاق السلبية، يقولك لازم تلبسي عباية، محدش ليه وصاية على حد، الاسم جاء للبشرية بكل ألوانها وجنسياتها وحضارتها، وكل شخص يلبس ما يشاء".