بالفيديو.. أخت ضحية الأقصر: "يمين مَرة صعيدية دمه مش هيروح هدر"

شنت شقيقة المواطن طلعت شبيب، الذي توفي جراء التعذيب في محافظة الأقصر، هجومًا عنيفًا على وزارة الداخلية، مطالبًة بتقديم الوزارة اعتذارًا رسميًا بعد وصف شقيقها بأنه مسجل خطر بخلاف الحقيقة، قائلًة:"أخويا ميكفيناش فيه 20 راجل، الضابط ضربه بالقلم فرد عليه وتف في وشه فضلوا يعذبوا فيه لحد ممات".
وقالت أم أحمد، خلال مداخلة تليفزيونية،:"أنا موظفة في وزارة العدل وبنطالب بالعدل، احنا رفضنا عزاء مدير أمن الأقصر، والأهالى كلهم مش هيقبلوا غير بإعدام الضابط اللى قتل أخويا، والحبس مش هيشفي غليلنا لأن دول بيتحبسوا ترفيه، وبنحذر من ثورة الصعيدة لو الضابط متحكمش لأن محدش هيقدر علينا، انتوا وقعتوا مع صعايدة".
وتابعت شقيقة المواطن: "انتخبنا الرئيس وقال تتقطع إيدينا لو اتمدت عليكم إحنا الداخلية مبوظة الدنيا عندنا، إحنا هنعمل ثورة عارمة ضد الشرطة ومش هنرضى غير بالقصاص وكمان مش هنسيب حقنا، الست عندنا بألف راجل والراجل الصعيدي بمليون راجل والكل عارف الكلام ده، خدوا أخويا من الدار للنار وقتلوه، وقبل كده واحد ضرب ضابط بالقلم راح ورا الشمس وأنا أخويا اتقتل ومش هسيب حقه، يمين مرة صعيدية مش راجل كمان دم أخويا مش هيروح هدر ولو مفيش قصاص إحنا هناخد حقنا بإيدينا".