تهنئـة عـيد.. لحــب صــامت !

( كل سنة وأنتِ طيبة )
يا ورقة عايزة.. ولازم
تسيب غصنى..
وقلبى غيرها مش شايف
خُضرة..!
,,,,,
( كل سنة وأنتِ طيبة )
ياوردة عايزة.. ولازم
تسيب روحى..
وقلبى مش شايف غيرها
وبعطرها وسط الزهور
فايحة..!
,,,,,
( كل سنة وأنتِ طيبة )
يا من فى ضلّها
ومن بُكى العشاق
إرتوى جذرها
وقلبى مش شايف غيرها
شجرة..!
,,,,,
( كل سنة وأنتِ طيبة )
نفسى أقولها كل
يوم..
وخايف على قلبى تعتب
وتلقى عليه
اللوم..
لأنه نقض لك
وعده..
وتكلم بعد
صمته..!
,,,,,
( كل سنة وأنتِ طيبة )
يا أرض اكتشف
فيها القلب حرير
مَهده..
فلما كبر وبلغ
رشده..
فى صمتها طـلبت
هجره..!
فبنى عليها
قبره..
ليعطها بروحه
وعده..!
,,,,,
( كل سنة وأنتِ طيبة )
يا إحساس إمرأة
بالحب لايؤمن
وكل حضورها عـذب
نهره..!
ويخلف مشيه رقة
خطوه..!
فأى حب ذاك
الذى فى روحها
رفضه..!
,,,,,
( كل سنة وأنتِ طيبة )
يا من غسل الندى
فرع الزيتون
اللى قلبى قطَر
فى مى عينيها
لونه..!
,,,,,
( كل سنة وأنتِ طيبة )
يا طائر نورس جميل
نقر قلب وحيد
ع الشط يعش
وحده..!
لايؤنسه إلا حلم
نومه..
فأيقظه بسموَ
رُقيَه..
ونَبض بحبه
عشقه..
وطار النورس
لقدره..
وع الرمل ظل القلب
ينتظر مجهول
غده..!
فلا عاد إلى سكن
موته..
ولا رزق نعمة
حبه..!
,,,,,
( كل سنة وأنتِ طيبة )
يا لؤلؤة فى صدفة
كل اللى يشوفها
يقول عليها:
وإيه يعنى دى مجرد
ودعة..!
وماحدش عارف
إن جواها أغلى وأندر
درَة..!
وحده
عصفور حزين على
شجره..
بس هوه اللى
قلبه..
بيسمع غُنى عروس
بحره..!
,,,,,
( كل سنة وأنتِ طيبة )
يا أجمل قطة..
صعدت على ساق عابد
فى محراب
ربه..
هيا فى عينيه
ماذا يفعل..؟
تنتظره..!
وهوه بين عينيها
يكتب قصيدة لــ
حبيبته..!
شِعر.. هِيا فيه
بنته..!
قط صغير يحلم
على فخذه
يهدهده..!
وفى روحه يخشى
يحضنه.. فــ
يفقده..!
وفى صمته.. لا يبقى
غير قلمه.. و
حبه..!
يرحل الجائع صوماً
ويفطر الوجود على
بسم الله فى
عشقه..!
يا ولدى:
كل شئ يرحل..
ويبقى الحب فى
عوده..
أبد الوجود و
خُلده..
وأجمل ما خلق
ربه..!