أسامة كمال عن الانتخابات: "لو اتخدعنا تاني هنبقى زي اللي خد 16 قلم على سهوة"
طالب الإعلامي أسامة كمال، المواطنين ممن لهم حق الانتخاب بالنزول وبكل قوة إلى صناديق الانتخابات لاختيار أعضاء البرلمان المقبل بكل دقة وأمانة، من أجل إصلاح الوطن.
وقال كمال، خلال تقديمه برنامج "القاهرة 360" المذاع على فضائية "القاهرة والناس"، إن هناك مقولة إنجليزية شهيرة، تقول: "أن تخدعني مرة عيب عليك.. وأن تخدعني مرتين عيب علي"، لافتا إلى أن كل إنسان معرض للخداع لكن أن ينخدع الانسان من نفس الشخص مرتين، فذلك يعني أن العيب في الشخص الذي خدع وأن به مشكلة كبيرة لابد وأن يعمل على إصلاحها.
وتابع "إحنا داخلين انتخابات وانخدعنا مرات ومرات ومافيش فايدة فينا.. بس دة كان زمان والعيب كان في الزمان ماكانش فينا.. خبرتنا ضعيفة.. ماكناش شايفين.. الإخوان ضحكوا علينا.. النظام ماكانش عايزنا نشارك".
وشدد على ضرورة أن يحرص المواطن على إختيار المرشح الأصلح للنهوض بالدولة، مستطردا: "اتخدعنا كتير ولو اتخدعنا تاني هنبقى زي اللي خد 16 قلم على سهوة.. لو ترضاها لنفسك أنا مارضهاش ولا لنفسي ولا ليك ولا ان دي تبقى صورتنا قدام الناس.. بناخد اقلام بالكيلو بس على سهوة".
