ضحية ميدو يوجه رسالة لجماهير الإسماعيلي
وجه أحمد ناصر، لاعب الإسماعيلي السابق والاتحاد السكندري الحالي، رسالة لجماهير القلعة الصفراء.
وكتب ناصر عبر صفحته على "فيس بوك": "كلمة أخيرة لجمهور نادي الإسماعيلي أنا فخور إني لعبت لنادي كبير زي الإسماعيلي وشرف ليا إني لبست تيشرت الإسماعيلي، ألف شكر على وقفتكم جنبي بالشكل الكبير ده، أنا عشان وقفتكم دى اتحملت حاجات كتير والله مفيش حد يتحملها بس محبتكم دي تخلي أي حد محترم لازم يتحمل أي حاجة ربنا يكرم نادي الإسماعيلى و يسعد الجماهير، وبشكر مجلس إدارة الإسماعيلي و المدربين اللي اتمرنت معاهم والجهاز الإداري والطبى واللاعيبة والعمال ولو في أي حد زعل مني من موقف أنا عملتو من غير ما أقصد ميزعلش مني وأنا أسف لأن أهم حاجه عندي هي محبتكم دي، وزي ما مشيت من النادى الزمالك وكنت بجيب سيرتوا بكل خير هفضل اجيب سيرت نادي الإسماعيلى بردو بكل خير ويااااااارب أكرمني مع نادي كبير زي الاتحاد والناس تحبني زي جمهور الإسماعيلي".
وكان ميدو، المدير الفني للإسماعيلي، قرر الاستغناء عن ناصر بالرغم من تألقه مع الدراويش الموسم الماضي؛ بداعي عدم الحاجة الفنية له.
