عيناكِ كانت بداية الضياع

الحلقه السادسه
عيناكِ كانت بداية الضياع

جلست رشا بجوار اخيها قائله : ألف لا بأس عليك يا حبيبي
محمود: تسلمي لي يا أحن أخت ف كل الدنيا..
رشا: أدهم وعبير زمانهم جاين لك يطمنو عليك ..
محمود: طب ابعتي اشتري جاتوة وحاجه ساقعه دي اول مرة تدخل بيتنا
رشا : ماتخفش انا مجهزة كل حاجه اهدي انت بس وخلي بالك علي نفسك
محمود: أنا مش مرتاح هنا عاوز اخرج بره
رشا: لازم ترتاح يا حوه
محمود : يووووة مش حابب انام خرجيني الصاله
رشا : حاضر بس إهدي علشان خاطري
___________
جهزت عبير نفسها للخروج ثم قالت : ياله حبيبي انا جاهزة
أدهم: قبل مانحرج عاوزك تمليني رقم هند
عبير : هند صاحبتي؟؟
أدهم : امال صحبتي ؟؟
وشعرت بسعاده غامره ها تتصل بيها وتعرفها اني هنا ؟؟
أدهم: لو مش عاوزة خلاص
عبير : ازززززززاي دانا مصدقت
أدهم:طب هتمليني الرقم ولا هانعمل ايه؟؟
_______________
امسكت هند بهاتفها وهي تقول لوالدتها: رقم غريب بيرن عليا
الأم : طب هاتي ارد أنا , السلام عليكم
أدهم: أنسه هند؟
الأم : لا أنا والدتها اي خدمه؟
أدهم : الموضوع اللي هكلم حضرتك فيه موضوع حياة أو موت فأرجوكي أنا مش عاوز حد يعرف حاجه عن المكالمه دي
الأم : إتفضل يا ابني ..
________________
حسام : انت حاسس انك لسه بتحبها ؟؟
محمود : أحبها إزاي بعد كل اللي عملته فيا , لكن معرفش ايه جري لي لما شوفتها بتبكي إن كانت هي قدريت علي عذابي وإهانتي فأنا مش قادر
وقالت رشا بعصبيه : ومش قادر ليه وازاي تسمح لها تدخل وتتكلم انت ناسي أخر لقاء بينكم
محمود : مش ناسي لكن بردو مش ناسي ان عشت معاها أجمل سنين عمري دول 3 سنين يارشا
حسام: طب إهدي اللي عملته صح كان لازم تسمعها علشان ماتشيلش ذنبها
رشا : ذنبها ؟؟ ايه الكلام ده انت كمان
حسام : خلاص يا حبيبتي اللي حصل حصل المهم محمود مايندمش علي قراره
محمود: لا أنا خلاص طويت صفحتها وقطعتها ورميتها ف النار
_____________
قامت الأم من مكانها وهي تهتف قائله: عبير عايشه ؟؟
أدهم: أرجوكي إهدي حضرتك عارفه ان لو حد عرف هايقتلها قبل مايقتلني
الأم : الموضوع ده ماينفعش فيه هزار يا ابني
أدهم : والله مابهزر حتي علشان تطمني وتصدقيني هي مع حضرتك ..
عبير :ألو , ازيك يا ماما وحشتوووووني اوي
الأم : عبير ؟؟
عبير : أه والله العظيم عبير
وأخذت هند الهاتف من يد والدتها بلهفه بينما والدتها لم تستطيع فعل شئ من هول تلك المفاجأه
ألو مين بيتكلم ؟؟
عبير : هند ؟ وحشتيني أوي ياحبيبتي
هند : إعطيني أماره إنك عبير ؟
عبير : فاكره لما كنا زمان نحط المايه والشطه علي كراسي المدرسين وفاكره كمان لما كنا بنضرب جرس البيوت ونطلع نجري والحاجه اللي انا وانت عارفينها لوحدنا سنتك اللي انكسرت وانتي ف ابتدائي فاكره اتكسرت ليه ؟؟
وقالت هند وهي مبتسمه والدموع منهمره علي وجنتيها : لاني وقعت من عربيه كنا متشعبتين فيها
وضحكت عبير : احنا ماسبناش حاجه للولاد انا وانتي كنا بنط من علي سور المدرسه
هند :خلاص بقي ماما واقفه جمبي لكن , لكن انتي فين وايه اللي حصل عاوزة اشوفك وحشاني اوي
عبير : هامليكي العنوان وتيجي انتي عارفه صعب اوي انزل اسكندريه
__________________
وبعد إسبوع
نزلت هند المنصوره وذهب ف استقبالها ادهم ومحمود وما ان وصلا الي العقار الذي يقيمان فيه ووجدت عبير ف استقبالها بسعاده غامره وضمت احداهن الاخري
هند : وحشتيني اوي ياعبير انا كنت هاموت من غيرك
عبير : بعد الشر عنك ياروح قلبي انتي اللي وحشاني اوي
وقال محمود الذي لم يخفض بصره عن هند : طب استأذن أنا علشان تاخدو راحتكم؟
الأم : مفيش خروج من هنا الا بعد الغدا
هند : هو حضرتك محرج مني ولا ايه وضحكت قائله : ايه ياجماعه البيت بيتكم بردو خدو راحتكم وكأني مش هنا خالص
وقال محمود مبتسما : هاتغدي معاكم حتي اتعرف علي انسه هند
بينما قالت عبير عندما شعرت عبير بخجل هند : طب ادامي عالسفره لاني هاموت من الجوع
وعلي السفره ..
محمود :متخرجه من جامعه ايه يا أنسه هند؟
هند:مع عبير ليسانس اداب
محمود: اجدع ناس
هند : ميرسي
ادهم : كل كويس يابطل علشان هاتغني
محمود: انا لسه طالع من دور برد
ادهم : هانعطيك العزر
الام: صوتك واحشني اوي ياحوده لازم تغني
ادهم:الحكومه أمرت
محمود: وانا مقدرش اقول لاء غالي والطلب رخيص