"أديب" عن إشارة "مرسي" بالذبح: "تحريات بركات اللى لبستك البدلة الحمرا"
علق الإعلامي عمرو أديب، على الفيديو الذى ظهر فيه الرئيس المعزول محمد مرسي وهو يشير بالذبح فى المحكمة بعد اغتيال المستشار هشام بركات النائب العام، منفعلًا: "تحريات بركات هي اللي وقفتك بالبدلة الحمرا، ومحدش يقولنا حرام دول مساكين، دة قال خلصوا عليه".
وتابع أديب -خلال برنامجه "القاهرة اليوم" المُذاع على فضائية "اليوم"- أن مرسي له الصحفيين والمحامين بتوعه، بيقولوله الأخبار، ومادام شاطر وجامد كدة؛ معرفش يعمل حاجة ليه لما اتاخد من فوق البط والحمام؟!".
وأضاف: "دة الإخوان اتجابوا من جوا بيوتهم من المرشد لأصغر عيل فى الجماعة، مادام جامدين كده معرفوش يعملوا حاجة ليه، والأمن اللي الناس بتتكلم عنه هو اللي قبض على كل عناصر تنظيم الإخوان، الله يمسيك بالخير يا محمد يا إبراهيم".
