بالفيديو .. "برديس" تهدد "الإبراشى" بالانسحاب .. ويرد: " ادينا كتالوج الحوار"

نشبت مشاداة كلامية بين الراقصة برديس، صاحبة كليب "ياواد يا تقيل"، وسمير الجمل، الناقد الفني، حيث هاجم الجمل برديس قائلًا "أنت بتدافعى عن الكليبات اللى بتعمليها طول الوقت، وبتقولى أنك مش عاملة حاجة غلط، بس لو سبناكى انت والناس اللى زيك البلد هتخرب، ومش هتتبنى باللى شايفينه ده، والإسفاف وصل للبرامج والمسلسلات ومن نجوم كبار".
وردت برديس منفعلة خلال حوارها مع الإعلامي وائل الإبراشي فى برنامج "العاشرة مساءً" المذاع على فضائية "دريم" طيب ليه النجوم الكبار ما اتوقفوش، وأنت ناقد أنا لو ما اشتغلتش أنت مش هتشتغل".
وصاح الجمل بها قائلًا "اسكتى واسمعى شوية، فى إيه" .. وردت "انت اللى تسمعنى واتكلم بطريقة كويسة".
وتابع الجمل "أن الإعلام مدان فيما يحدث بنسبة 90%، وأن هناك فنا راقيا مثل فرقة رضا لكن العرى ليس فنا، فمن تتعرى لا تستحي".
وهاجم سمير صبري، المحامي بالنقض، الراقصة برديس خلال مداخلة هاتفية مع البرنامج قائلً "أنت زعلانة من فيديو كليب "سيب إيدي" فيديو واحد يتيم، وأنت عاملة أكتر من 20 فيديو كليب بترقصى فيهم، وألوم مباحث الآداب والمصنفات الفنية اللى بيطلع ده إيحاءات وحركات جنسية فى غاية البذاءة، بيتفننوا فى العري، والكليبات عري فى عري، واحنا رخصنا قدام العالم كله بسبب الكليبات والإسفاف ده".

وردت عليه برديس منفعلة "مش هقبل اسمع الكلام ده ومش عايزة اسمع المكالمة، وأقدمت على الانسحاب من الحلقة"، وعلق الإبراشي على اعتراضها قائلًا "تدينا كتالوج الحوار".