بالصورة.. منى هلا: معظم العرب لا يحترمون حرية الآخر
نشرت الفنانة المصرية منى هلا، عبر صفحتها الشخصية بموقع "إنستجرام"، صورة من إحدى المطاعم كتب عليها بيان بأن الطعام الموجود بالمطعم ليس به لحم خنزير.
هلا، علقت على الصورة قائلة: "احترام الآخر، حدود حرية كل واحد بتنتهي عند حرية الآخر، مع الأسف الكلام ده مش موجود عند معظم العرب، واحدة صاحبتي ودتني عند مطعم لما كنت في القاهرة، فأنا قلت للست إني مباكلش لحمة ولا فراخ ولو الأكل معمول بمرقه يا ريت تقوليلي عشان ماكلوش، قالتلي ليه؟، قلتلها أنا نباتية".
وأضافت: "قامت بصت لي كأني جاية من الفضاء الخارجي وضحكت باستهزاء، جه الأكل وبدأت أكل طلعلي حتة لحمة في سناني في البامية فطبعًا قرفت وتفيت الأكل وطلبت منها تجيبلي حاجة غيرها، كانت قليلة الذوق جدًا الحقيقة ومصرة إن الأكل مش معمول بلحمة".
وتابعت: "الخلاصة لو عاوز الناس تحترمك أحترم اختلافهم، متبقاش ديكتاتور، أنا مش هكتب اسم المطعم ولا صاحبته عشان مقطعش رزقها مع إنها كانت قليلة الذوق في التعامل معايا جدًا وما احترمتش رغبتي عشان تبيع".
