نادية الجندي توجه رسالة قاسية للساخرين من سنها

قدمت الفنانة المصرية نادية الجندي، الشكر لجمهورها عبر صفحتها الشخصية بموقع "إنستجرام"، وذلك لحرصهم على تهنئتها بعيد ميلادها، وفي الوقت نفسه وجهت رسالة قاسية لمنتقدي سنها.

الجندي قالت: "بشكر جمهوري الحبيب على تهنئته ليا بعيد ميلادي 24 مارس بشكر كل التعليقات الحلوة هنا اللي أسعدتني كثيرًا، وعلى الفيس بوك وفى كل مكان والتليفونات اللي جتلى بشكركم جميعا، وبشكر كمان الناس اللي اتريقت على سنة الحياة وعلى كبر الفنان كأننا إحنا اللي بنكبر بس اتريقوا على سنة الحياة ورب الكون".

وأضافت: "وبشكر كمان الناس اللي بتتلاعب كل شوية في تاريخ ميلادي على المواقع والصفحات والنت مرة 1948 ومرة 1945 ومرة 1940، والنكتة بقى والكذب والافتراء كاتبين مؤخرا 1938 على أساس ده هيأثر على حب الناس ليا ناس مريضة، وعموما في النهاية الفنان الحقيقي بقيمة الأعمال اللي قدمها والبصمة اللي سبها مش سنه ولا عمره كام ... بشكركم على حبكم ليا".