بالفيديو..أسامة كمال: عيب علينا نهذي هذيان المرضى

وجه الإعلامى أسامة كمال، نقدًا لعدد من الشخصيات العامة الذين يقومون بتناول الأخبار ببرامجهم بصورة هزلية ساخرة، قائلا "خلط الجد فى الهزل أصبح سمة الفترة التى نعيشها وجزء من السبب إننا بنحب الهزل والهزار".
وأضاف كمال خلال تقديمه برنامجه "القاهرة 360" على فضائية "القاهرة والناس": "إحنا شعب دمه خفيف زى ما بنحب نقول على نفسنا بس خفة الدم فى غير محلها أو فى وقت غير مناسب قلة عقل".
وتابع " واحد هيطلع ويقول الناس بتطلع همها فى النكتة والتانى هيقول المضحكات المبكيات والتالت هيقول الناس تعبت وعايزة تفضفض وتطلع همها، محدش طلب منك تكشر او تكلم فى المشاكل الـ24 ساعة وتفكر فيها ".
واستطرد قائلا "بس لما الكلام يكون جد خليك جد ولما يكون الموضوع هزار وهزل مدخلش فيه مواضيع جد، ابتسم واضحك براحتك بس وقت الجد اخلع توب الهزل، والهزل مش بس نكتة الهزل أمور تانية كتير، فمعانى الهزل تضم صوت هزيان المريض".
وأكد "عيب علينا نهذى هذيان المرضي لو كل واحد هزل هيبقى هازل وهتبقى مهزلة..وهيبقى هزلى عايش فى ضرب المهازيل..يرضيكم كده".