بالفيديو.. الأب قاتل ابنه: "ضربته قلمين بس وربطته خمس دقائق فمات"

قال محمد عبد الحميد، المتهم بقتل نجله، إنه لم يقصد ضربه حتى الموت، مشيرا إلى أنه "ضربه قلمين وربطه خمس دقائق بس"، على حد قوله.
وأضاف خلال حواره ببرنامج "بوضوح" مع الإعلامي عمرو الليثي، على فضائية "المحور": "ابني خبطته عربية يوم الأربعاء اللي بعد العيد، على مزلقان الدويقة، وجابه 3 مسجلين خطر للبيت، وقالوا خد ابنك وعاوزين 1210 جنيه، سألت ابني قالي إنه خبطته عربية لما كان رايح يركب عجلة".
وتابع: "الناس اللي جابت الولد طلعوا عندي البيت واتهجموا عليا عشان عاوزين الفلوس، وقالوا أنهم صرفوا الفلوس دي على العربية اللي خبطها ابني وهو راكب العجلة".
وواصل والد الطفل القتيل: "الناس حكمت عليا أدفع الفلوس، فطلعت كلمت إبني وقلتله أنا هقعدك عندي في الشقة ومش هتخرج برة، وضربته قلمين وربطه في الأوضة، ودخلت أعمل مكرونة بعدها دخلت عليها فضلت أنادي عليه مردش عليا".
وقال عبد الحميد، إن ابنه كان يحفظ القرآن، وحصل على جوائز في الحفظ، مضيفا: "أنا هموت من البكاء عليه وعلى أخته اللي قاعدة لوحدها دلوقتى، أنا أبويا ياما ضربني وأنا صغير ومحصلش حاجة، معقول من قلمين عيل هيموت، عربية خبطته، فأنا بخوفه عشان ميطلعش الشارع تاني، وأنا سواق وبرجع متأخر".