رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

عمرو سلامة يوجه رسالة للجمهور بعد نجاح "صنع في مصر"

المخرج عمرو سلامة
المخرج عمرو سلامة

توجه المخرج عمرو سلامة بالشكر للكثيرين من بينهم الجمهور، الفنانين، والإعلاميين عبر صفحته الرسمية على موقع "فيس بوك"، وكتب:"شكرا لكل الناس اللي شافت فيلم "صنع في مصر" وقالولي آراءهم وشكرا للي لسه مادخلوش وناوي يخشه".

وأضاف: وبعد الانتهاء من إخراج فيلم روائي رابع وتسليمه لأيدي القدر والجمهور.. حاولت أجرب أعد النعم لقيتهم كثير فحبيت أشكر المسببين ليهم.

شكرا لكل منتج أو فنان أو فني اشتغل معايا ووثق فيا.

شكرا لكل حد علمني إذا كان يقصد أو لأ.

شكرا لكل صحفي أو إعلامي ساعدني في توصيل أعمالي للناس، إن كان مدح أو حتى ذم.

شكرا للجمهور كله اللي اهتم يشوف أي عمل، عجبه أو حتى معاجبوش، قال كلمة حلوة شجعت أو قال كلمة نقد علمت.

شكرا لكل اللي كره لأنه أهم سبب بيخليني أحاول أطور من نفسي علشان أثبتله إنه غلطان.

شكرا لكل الناس اللي بتشجع، بتقف جمبك، بيشاركوا الفرحة او بيستحملوا الغضب، انتوا اللي بتخلوا الحياة أحلى.

ده شكر واجب لأن ساعات الواحد بينسى يشكر.