تباين ردود فعل الجمهور حول "صنع في مصر"
أثار فيلم "صنع في مصر"، بطولة الفنان أحمد حلمي، تباين لردود فعل الجمهور على صفحة الفيلم على موقع التواصل الاجتماعي "فيس بوك"، حيث أدلى البعض بشهادته على نجاحه، مؤكدين أن الفيلم كوميدي ومحترم كعادة حلمي، إلا أن آخرين قالوا أنه غير هادف، وليس بمستوى الأفلام السابقة لحلمي، وكذلك مسروق من فيلم أجنبي، حسب تعبيرهم.
من جانبه، كتب أحد المعجبين "الفيلم حلو كمية ضحك كويسة مع قصة خفيفة وطبعا نضيف كعادة أحمد حلمي"، وعن التعليقات الأخرى "فيلم ضحك السنين"، " الفيلم حلو أوى من أوله لأخره ضحك ومحترم"، "اووووه فيلم جااامد بصراحة مبروك النجاح"، و"الفيلم فعلا جميل، شفناه أمبارح في الكويت، كانت حاجه حلوة اننا نشوف عمل في روح مصرية جميلة وكوميدية طحن وسط غربتنا.. فعلا فيلم جميل"، و"جميل جدا وهادف".
أما عن التعليقات السلبية، فكانت أبرز التعليقات "أسفة..انا بحب احمد حلمي جدا.. بس الفيلم ضعييييييف قوى.. حتى لو كان هدفه الكوميديا بس حاجات كتير قوى وقعت منهم.. عيب انها تطلع من حلمي بعد كده رضا.. الف مبروك.. أسف على الازعاج و عسل اسود"، "الفيلم وحش جداً أنا دخلته انا واولادي اول يوم العيد وندمت يا ريت تبقى تدقق بعد كده في اختياراتك يا أحمد حلمي و مش أي فيلم و خلاص"، "مع اﻷسف الفيلم مش حلو و ركيك جدا و بدون هدف.. مش فيلم سينما أبدا"، "افشل فيلم لأحمد حلمي.. فيلم زبالة بمعنى الكلمة"، "تاني فيلم يسقط لاأمد حلمي بعد فيلم على جثتي فين تمثيل أحمد حلمي بتاع زمااااااان فين"، "الفيلم رخم أوي"، "أشوفه ليه و هو نسخة تقليد من فيلم أجنبي".
