«فوجئت بأن لون البحر الأحمر أزرق».. ذكريات أم كلثوم مع البحر وفيضان النيل

هل تصورت لون البحر الأحمر..أحمر؟ وأنت صبية.. أول ما سمعت عن اسمه؟ ردت كوكب الشرق أم كلثوم للكاتب الراحل كمال الملاخ، حسبما كتب في "الأهرام الاقتصادي" عام 1987، عن ذكرياته معها في حفل محافظة السويس بعيدها القومي، وهما على شاطئ خليج السويس: "ما كنتش أعرف إلا الترعة، والحاجات دي، الساقية كانت هي البحر، والمسقى هو النيل، عمري ما شفت البحر الأحمر قبل سنة 1948 تقريبًا، حضرنا هنا عشان نعمل حفلة بمناسبة الحرب في فلسطين، ماحسيتش إحنا كنا فين، لكن أول مرة سمعت عن البحر الأحمر كان في مصر، مش في البلد وأيامها تصورته أنه أحمر فعلًا، وفوجئت بأنه أزرق".

ووصفت أم كلثوم شعورها بعد رؤيتها للبحر، وقالت، أنها شعرت بإنطلاق عجيب، شعور غير محدود، "شعرت بالإنطلاق، بأحس به شيء رهيب، طبعًا مش زي الترعة بتاعتنا، وفيها شوية البط والوز عايم، وإنما ده حاجة تانيه".

واعترفت كوكب الشرق أم كلثوم لـ"الملاخ"، أن منظر فيضان النيل في الترعة، يأسرها، قائلة: "أحب أشوفه كل يوم، يبقى الحشيش طالع أخضر من وسط المية، أهو ده المنظر اللي بيسحرني صحيح، أيام كثير أحن إليه، أركب وأطلع إلى منطقة القناطر الخيرية، خصوصًا أيام المية بتاعة الفيضان اللي لونها بني مش رايقة، وده منظر لو قعدت أمامه ساعات ما أزهقش منه، أما منظر البحر ده، منظر رهيب، حاجة ليس لها نهاية".