رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

وزير النقل عن ازدحام المترو: الناس مبتخفش وبتنزل لأسباب تافهة

 كامل الوزير
كامل الوزير

علق وزير النقل اللواء كامل الوزير، على ازدحام المترو رغم زيادة عدد القطارات وتقليل زمن التقاطر، قائلًا: إن أعداد الركاب في تزايد. مشيرا إلى أن العدد أمس زاد عن السبت السابق له بـ 85 ألفا.

وأضاف وزير النقل خلال مداخلة هاتفية مع الإعلامي أحمد موسى، في برنامج "على مسئوليتي" المذاع عبر فضائية "صدى البلد": "اليوم عدد الركاب 900 ألف، الركاب في ازدياد، لأنه يبدو أن الناس خافوا في البداية، لكن مبقوش خايفين والأعداد بتكتر".

وأردف: "استوقفت الناس وقعدت بتكلم معاهم، وقفت مع رجل وزوجته بقولهم رايحيين فين قالوا جايين من منوف رايحين الحلمية بنزور بنتنا وجايبين لها أكل، ده نموذج من النماذج، لما سألتهم قطر منوف عامل إيه، قالوا زحمة لأنهم جايين دون داعي؟ جايين تعملوا إيه في القاهرة؟".

وتابع: "لابد من توعية للناس، اللي عنده مصلحة قوية ينزل، شغال في فرن ولا مصلحة يجي يروح شغله، العدد في ازدياد ولازم ناخد بالنا".

وأشار إلى أن السيدات تأخذ احتياطاتها أكثر من الرجال، مردفا: "الستات مغطية فمها بالإيشارب، الرجالة مش مغطيين، والراجل بديله كمامة أخذها حطها في الشنطة، الناس محتاجة شغل وتوعية".