رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

في «عام المرأة».. فتيات يدعين إلى العودة لعصر «سي السيد»

جريدة الدستور

في الوقت الذي تطمح فيه المرأة للوصول إلى أعلى المناصب، خاصة بعد دعم الرئيس عبدالفتاح السيسي لها وإعلان 2017 «عام المرأة»، دعت فتيات في الآونة الأخيرة إلى عصر «سي السيد».

وقالت بسمة السباعي على «فيس بوك»: «الصبح شوفت جارتي كانت نازلة بتجري رايحة الشغل ومستعجلة جدًا وشايلة لاب توب وورق وساندة الموبايل برقبتها بتتكلم فيه، وأنا كنت قاعدة في البلكونة لابسة بيجامتي الدافية ولكلوكي وبشرب شاي بلبن وساندة طبق كيكة القرفة بإيدي.. اخواتي العواطلية، بينما هما بيحققوا ذاتهم إحنا بنبقى بناكل كيكة وشاي بلبن ومبسوطين».

وأضافت نور علي شكري: «بنشتغل عشان نحقق ذاتنا في الولا حاجة، فاكرين إننا لما نجيب أكبر شقة وأفخم عربية وندخل عيالنا أروش حضانة وأنضف مدرسة عشان طالعين موضة، ونلبس اغلى ماركات ونمسك أحدث موبيلات ونتكلم ٤ لغات، إن احنا كده بقى لينا قيمة ولزمة وبقى منتهى آمالنا نروح بدري أو نعرف ننام كويس في الـweekend أو نخروج علشان نطلع من الساقية اللي رابطين نفسنا فيها».

وأجرت «الدستور» استفتاءً حول نظرة الفتيات للعمل، وهل يمثل لها مصدر قوة أم ضغط؟ وجاءت النتائج صادمة، حيث أكدت 66% من المتابعات أن العمل مصدر ضغط لها، بينما أكدت 34% فقط بأنه يسبب لها الاستقلالية.