رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

سكون.. سيدة المطار

جريدة الدستور

قصة عجبتني.... عن سيدة كانت في المطار منتظرة طيارتها.. فجابت علبة بسكوت وقعدت منتظرة.. والبسكوت على كرسي جنبها وقعد جنبها راجل غريب.. فكل شويه تلاقيه بياكل من البسكوت بتاعها من غير استئذان وكل ما تاخذ واحدة ياخذ هو كمان واحده
وهي محرجه تكسفه مجرد تبص له بنظرات تعجب.. اتكِسف شويه يعني !
لحد آخر واحده لقيته بيقسمها نصين وبيدلها نص وهو مبتسم(:

جواها سؤال...هو في بجاحه كده !

خلصت العلبه وقامت للطياره
وهي مستغربه البشر وتصرفاتهم العجيبه!
قعدت في كرسي الطياره وبتفتح شنطتها.... لقيت جواها علبة البسكوت إللي أشترتها !!!!
يا خبر !!!
يعني كل ده بتاكل في بسكوت الراجل !
وهو مقلهاش كلمه...ده بالعكس قسِّم معاها آخر واحده ومبتسم كمان وهي بتبص له من فوق لتحت....!

حكمت عليه بأنه بجح ونوع من البشر عجيب...ومبقاش في ذوق في التعاملات...والناس جرى فيهم إيه ؟؟! كل ده عاشت في تفاصيله مع نفسها !
والحقيقه عكس كده تمامًا
طلعت ظلماه وهي إللي غلطانه !

طيب الراجل...يا ترى حكم عليها بنفس الحكم...؟؟ ونفس التساؤلات والإتهامات عدت عليه؟!
طيب هي وعرفت إنه مظلوم....هو عرف إنها عملت كده عن خطأ منها غير مقصود ؟ وإن قناعتها وأخلاقها متسمحلهاش بده !
حتى التوضيح أو التبرير أو الإعتذار عدى أوانه...
وده من أصعب المواقف...

لو نفسك تحكم...متتسرعش في الحكم مش بسهوله أبدًا تكَّون أحكام على حد

لأن أي إنسان مجموعه من نوايا وأقوال وأفعال
والثلاثه لازم يؤخذوا في الإعتبار وإلا هيبقى حكم ظاهري
وارد جدًا تبقى نيه سليمه لكن قول وفعل بشع...وانت مُتلقي...حقك تاخذ موقف للقول والفعل وتصدر حكم على الفعل...لكن مش من حقك تصدر حكم على الإنسان...
لأن الإنسان ده لغز كبير وتفاصيل كتير وظروف وضغوط وأفكار وتفاصيل نفسيه معقده ومتغيره....
أهي الست نسيت إنها حطت البسكوت في الشنطه...حصل فيلم عربي

(فَتَبَيَّنُوا أَنْ تُصِيبُوا قَوْمًا بِجَهَالَةٍفَتُصْبِحُوا عَلَى مَا فَعَلْتُمْ نَادِمِينَ)

#saraosama