رغدة السعيد تكتب: قلنا ايه
قلنا ايه!!!
كام واحد جسمه اتحرك بحركة الدقن للأمام والخلف مع الأكتاف وهو بيسمع أغنية "قالوا ايه"؟
كام واحد الأغنية علقت معاه وفضل يرددها تلقائي وطول الوقت!؟
كام واحد حس ببهجة أو فرحة أو شجن وهو بيسمعها؟
طيب كام واحد اتشحن طاقة كبيرة وكل ما يشوف شخص يسأله سمعت أغنية قالوا أيه!؟
غالبًا هنلاقي معظمنا عنده الشعور والطاقة والإحساس ده، حالة جميلة، إيجابية مليانة نور وأمل وحماس، بالرغم أن فيها شجن الحزن عالشهداء.
لما سمعت الأغنية لقيت أنها حركت فيا طاقة، ولان مهنتي التحليل، ولغة الجسد بتشمل نبرة الصوت والطاقة.. لما تحس بلغة جسد من خلال صوت وحوش الصاعقة يبقي وجب التحليل ومعرفة ماهية هذه النبرة.نبرة أسود لا تهاب الموت، نبرة شجن وعزيمة.....
هنبدأ بالصوت الجماعي واللي بيرتبط ارتباط وثيق بأغاني الجبهة والسوايسة.
قالوا ايه علينا دولا وقالوا ايه !؟
السؤال في الأغنية أو الحوار والذي لا ينتظر إجابة بيكون تحفيز للعقل واستعداد لسماع الإجابة..بحة الصوت مع الرد بالهتاف والصوت ممتلئ بطاقة وشعاع وشجاعة لعلو النبرة لأعلى درجة هتاف.
"منسي بقي اسمه الأسطورة".. والتأكيد من المجموعة بكلمه.. "هيه" وهذه الكلمة نبرتها نبرة عزيمة وتشبه نبرة التشجيع في التدريبات الصعبة جدًا للصاعقة، تحفيز عالي جدًا وتأكيد لتقدير منسي الأسطورة
مس سامع حاجة !!! لما شخص يقولك مش سامع حاجة تختلف عن مش سامع صوتك مثلًا، ودي فيها طلب ضمني لأعلي طبقة صوت موجودة عند المجموعة..
" شبراوي وحسنين عرسان" نفس النبرة ونفس العزيمة ونفس التحفيز في نبرة المجموعة.. بعد مش سامع حاجة للوصول لأعلي نبرة بنلاقي "ما تعلو شوية" هو فيه حماس أكتر من كدة ؟
"خالد مغربي دبابة " كلمة دبابة لو تعمقنا فيها هنحس ان اللي بيقولها رافع أيده وأصبع السبابة لفوق بيشاور على علو الدبابة والتأكيد علي ارتباط كلمة الدبابة بخالد مغربي..
و نأتي لحالة "إرفع بالصوت" أمر مباشر بالشحن والتحفيز
"العسكري علي من الشجعان " قصة بطولة تانية و" مات راجل وسط الفرسان" وكلمة فرسان فيها بحة تكاد تختفي من شده وارتفاع وارهاق احبال صوت نبرة قائلها..
و بعد ده كله " مش سامع حاجة " يعني اقصي درجات التحفيز
بنوصل للنداء وأعلي درجة في النبرات في الاغنية،،
"أبطالنا في سيناء"، طيراننا فوقينا"،" حاميين أراضينا"
"قاهرين أعادينا" منتهي الشمول في الصورة الارض والجو
"و الدور جه علينا” لو ركزنا في النبرة في الكلمات دي هنلاقي كإنهم بيتحركوا للمعركة فعلًا ونبرة نهاية للأغنية وممكن تلاقي جسمك بيتحرك بأكتافك للأمام مع سماعها وكإنك عايز تروح معاهم
و نختم بالصقفة معانا وكلمات تحفيزية مع الصقفة "ابطال شقيانة"،،،،، "العدو يخشانا " الموت يهوانا..... "رايحين لشهادة " وتأكيدها ب " لشهادة رايحين "
ما تقولوا آميييين
طبعا كل مرة" قالوا ايه " بتكون بنبرة مختلفة تحمل معني اعلي وأسمي
انا لما قررت احلل الاغنية سمعتها من غير موسيقي،،، كنوع من نقاء لصوت الأبطال والتركيز علي النبرات والعزيمة والتحفيز والطاقة
عرفتوا ليه كل حواسكم اتحركت مع الأغنية وأصبحت حالة تعبئة شعبية عامة !؟؟
