رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

شرقاويات.. دكتور فتحي الشرقاوي يكتب «لما حد يطلب منك طلب»

الدكتور فتحي الشرقاوي
الدكتور فتحي الشرقاوي

لما حد يطلب منك طلب..
وانت مش هتقدر تعملهوله..
ياريت وش وش..تقوله..مش هقدر.
ماتوعدش..وانت مش هتقدر تفي بوعدك.
لأن مجرد الوعد مع التسويف والمماطلة.
هيعملك عبء نفسي وانفعالي..
وبتلاقي نفسك في كل مرة..
بتتسأل من صاحب الحاجة دي..
اللي عمال يطاردك بكل الطرق والوسائل.
بعدها بتلاقي نفسك...مخنوق ومتوتر.
وكل مرة...بتفكر هتقوله ايه..ولا ايه.
ويدخلك بدون ما تشعر في دايرة الكذب والتحوير
السؤال بقى..
ايه اللي جابرك على كل ده....
اذا كنت متصور..
ان صاحب.الحاجة هيشوفك..
ضعيف ومش هتقدر تساعده
لما تقوله مش هتقدر..
لازم تعرف...الأسوء من كده..
انه يشوفك عيل.. ومش قد كلمتك
وانك مجرد بوق..
قارن بين..تعبك النفسي دقيقة...
وبين تعبك أيام وشهور..
من الهروب منه والتبرير والتعليل له
اعتقد كلمة..لأ..
تريحك قووي. لو مش هتقدر تفي بما وعدت
وعلى رأي المثل.. الصراحة راحة
مش كده ولا ايه...
ا.د. فتحي الشرقاوي