القاهرة : الإثنين 20 نوفمبر 2017
محمد الباز رئيس مجلسى الإدارة و التحرير
محمد العسيري رئيس التحرير التنفيذي
ads
ads
النفسية إيه؟
الأحد 12/نوفمبر/2017 - 05:42 م

عمرو قورة يكتب: وجهة نظره فى بذخ الأفراح

عمرو قورة
عمرو قورة
dostor.org/1623181

كتبت بوست كان نصه كالآتي:
"كلما ازداد العرس بذخا.. كلما اختصرت مدة الزواج.. واقترب موعد الطلاق"
فتفاعل معه البعض وانتقدني البعض
البوست اللي نزلته من شوية عن الأعراس والأفراح استفز ناس كتير وبعتولي على الخاص بيعترضوا على وجهة نظري.. وده طبيعي لأن دي وجهة نظر.. لكن خليني أقولكم رأيي فى الأفراح.. والكلام ده مش موجه للألفين ملياردير اللي فى مصر.. الكلام ده للشعب المتوسط الدخل زي حالاتي.

أولا: أي فرح محترم حيتكلف على الأقل مليون جنيه ما بين قاعة وأكل ورقاصة ومغني ودي جي وضريبة ملاهي وبقشيش.. والناس اللي بتيجي نصفها بييجي غصب عنه وبيروح بيته... ينتقد فستان العروسة وماكياج العروسة وقباحة العريس ونوعية الأكل وبعد المكان وألف سبب لانتقاد الفرح.. وغالبا مابينبسطوش وبيزهقوا.

وبالتالي أليس من الأفضل كتب الكتاب على الضيق، وإهداء العروسين اللي بيبتدوا حياتهم مليون جنيه أو أكثر يستثمروها بشكل أفضل لمستقبلهم أو حتى يتفسحوا وينبسطوا ويشتروا اللي نفسهم فيه؟

أنا رأي الخاص إن الأفراح ما هي إلا موضع تباهي ومنافسة الأهالي.. وفلوس بتنصرف فى ليلة ماحدش بينبسط فيها إلا أصدقاء العروسين اللي بيهيصوا وممكن نحجزلهم جزء من مطعم يسهروا فيه بدل من وجع الدماغ ده كله.. مجرد وجهة نظري ومسموح الاختلاف بس غير مسموح التطاول.

ads