انك تكون انسان
تفاصيل كتير اوى بتعملها من غير ما تاخد بالك بس متعرفش ممكن تعمل ايه فى الطرف التانى عشان كده خد بالك :
-لما تلاقى حد ستايله قديم .. ماتضحكش عليه .. هو كل المشكلة إن ربنا مادهوش إمكانيات يكون جامد زيك .. و جايز يكون ده لبس والده و والده إتوفي مثلاً فبيحب يلبس لبسه ..
- لما تلاقى شاب لسة بياخد أمه معاه تشتريله هدوم .. ماتتريقش .. يمكن يكون مالوش في الدنيا كلها غير أمه و بيحب أمه يا أخى ..
- لما تلاقى واحد معاق مع أمه ياريت ماتبصلوش بضحك أو تبين إنك خايف منه .. لإن ده والله بيأثر على الأم بطريقة رهيبة خاصة لما بتفكر فى الموضوع ..
- لما تلاقى صاحبك بيجى بنفس الطقم كذا مرة مش لازم تبين إنك إنت الواد الروش و تحرجه و تقوله ما تغير الطقم ده يمكن يكون علي قد حاله ومش مقتدر يجيب لبس زي حضرتك ..
- لما حد يقع قدامك إعمل نفسك ما أخدتش بالك ..
- لما راجل عجوز يقعد يتكلم معاك إنت كمان دردش معاه .. ممكن يكون إبنه سابه و مشى أو مات و حاسس إن روحك فيها من إبنه فملقاش غيرك إنت يفضفضلك ..
- لما تكون راكب مواصلة و تلاقى عايل على حجر أمه عمال يعيط .. ماتقعدش تتأتأ .. لإنك كده بتحرجها .. أكيد يعنى هى برضو مش عاجبها إنها تزعج الناس بإبنها ..
- ولما تلاقى واحدة فى ميكروباص شايلة شيلة كبيرة و قعدت جمبك و زهقتك .. ماتقعدش تنفخ .. لانها مش معاها فلوس تركب تاكسى ..
- ولما تلاقي حد أكبر منك قوله حضرتك مش تقيمها بحسب مظهره و هيئته ..
حاجات بسيطة .. بس بتفرق مع ناس كتير .