شرقاويات: الدكتور فتحي الشرقاوي العتاب برفق محبة
تلوم حبيبك وتعتب عليه..
مرة أو اتنين أو حتى تلاتة.. ماشي..
ما هو العتاب محبة..
لكن كل ماتشوف وشه وكل ماتتكلم معاه تقوم فاتح العتاب واللوم معاه..
أهو كده بقى ..
العتاب واللوم مابقاش محبة ولا نيلة..
لأنك بكده بتحسسه دائما..
إنه على طول غلطان وعلى طول مدب
وعلى طول مابيعرفش يفكر ولا بيعرف يتصرف
و طبعا حضرتك أبو العريف واللي ماحصلش
وتكون النتيجة إيه بقى.. إنه بيبقى لا عاوز يشوفك ولا عاوز يسمعك ولا حتى يقابلك
وبعدين ترجعوا تعيطوا وتقولوا
احنا عملنا إيه
ياسادة اللوم والعتاب بيكون محبة لما يكون بمقدار وعلى فترات
لكن على طول على طول كده..
انت مابقتش حبيب..
لأ.. أنت كده بقيت لوام وزنان
وشخصية غير مرغوب في التواجد معاها والتفكير فيها
يارب..نكون فهمنا..
فتحي الشرقاوي
أستاذ علم النفس جامعة عين شمس
