فتحي الشرقاوي يتحدث عن نموذج أمي قالت لي
مامي قالتي.... اعمل كده..
ماما قالتلي ....اتكلم كده..
مما قالتلي ......اتصرف كده...
أمي قالتلي.... أفكر كده...
طيب لما أنت ياروح ماما لسه بنوتة وصغنونة ..
ولسه مافكتيش ضفايرك....ياقلب امك ..
ولسة كمان مااطفتمتيش عنها..
ولسه بتاخدي الرضعه من مامي.
بتتجوزي ليه.....
لما انت لسه مااستقلتيش عن الحاجة امك ..
بتتربطي براجل وبيت لوحدكم ليه..
ماتروحي احسن تقعدي جنبها...
بلا زوج ..بلا عيال..بلا خوته ووجع دماغ.
في بنات كتير قوي...
لسه عايشين دور البنت أم ضفيرة وبافته ومريول. .
ومفتكره أنها لسة في بيت مامتها ...
وقارفه جوزها طول الوقت بأمها وحكمة أمها ورزانه أمها وعقل أمها وسرعة بديهة أمها..
وكأن أمها دي..ملاك هبط من السما للأرض
بجناحين بترفرف.... مش ممكن تغلط أبدا
ياسيدتي الصغيرة...
ماحدش قال ماتحبيش امك ومحدش قال ماتتكلميش عنها
بس مش قوي كده..
لدرجة أنك من من كتر الزن بسيرة أمك على الفاضي والمليان. .
بقت صورتها عند جوزك بعبع ومبقاش طايقها
لازم تعرفي ..انك كبرتي خلاص..
وبقى ليك بيت وزوج....
يعني بقالك حياتك المستقله مع جوزك..
كفاية بقى نغمة ماما.. مامي... أمي..اماي
لأن إستمرارك على النغمه دي..
هتخلي الغلبان جوزك مهما كان طيب في لحظه ما
ومع كثرة الضغط عليه هيقولك...طهقطيني انت وامك
وهيكرهك..وهيكره سيرة أمك...
ومش كده وبس..ده ممكن يوصل لدرجة
انه يقولك...ماشي خلاص..خليكي بقى عند ماما...
ياريت تعقلي شويه وتعرفي إنك كبرتي..
وبقى ليك بيت مستقل ..وزوج
زي أمك ما ليها بيت مستقل..
صاحبيها ماشي...احترميها عين العقل..
لكن تخليها تخططلك كل صغيرة وكبيرة في حياتك..وتسيطر عليك تماما
ساعتها بقيتي أنت دلدوله. ..و عديمة الشخصية
وأمك بقت خرابة بيوت...
واحتمال جوزك..ياخد لقب مطلق بجداره..عن قريب
