رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

دكتور فتحي الشرقاوي يتحدث عن رد الفعل الانفعالي تجاه شخص أغضبك

جريدة الدستور

احيانا قلبك ومشاعرك الرقيقة وإنسانيتك
بتخليك تتجاوز عن خطأ مقصود...حد ارتكبه في حقك
حفاظا على علاقتك بيه...
خاصة لو الحد ده جالك..واعترف بتقصيره معاك..
وطلب منك انك تسامحه وتتجاوز عن تقصيره
لحد هنا والأمر يبدو عادي جدا..وبيحصل معانا كلنا.
لكن اللي مش عادي..
إنك تلاقي نفسك بعدها..مع نفس الشخص..ونفس الخطأ
ساعتها ماتبقاش عارف تعمل معاه ايه..
عارف ايه عادة اللي بيحصل في الموقف اللي زي ده..
بيحصل أن رد فعلك الغاضب معاه..
بيكون بقوة الموقفين ..القديم والجديد مع بعض.
مش موقف واحد بس ..
وكأن لسان حالك بيقولك..
مش كفايه عديتله الموقف الأول ..كده بقى يستاهل اللي يجراله
و الغريب ..
انك بتلاقي الناس بيلوموك و بيقولولك..
ليه كده..انت مفتري..
معقول كل رد فعلك ده مع الحد ده..
طبعا مستغربين سلوكك معاه..
لأنهم مايعرفوش سابق موقفك معاه قبل كده..
ياريت قبل مانحكم على استجابه حد..
نحاول نعرف ليه ....
منطق ده ولا مش منطق يامتعلمين
مساؤكم جميل