شرقاويات: فتحي الشرقاوي يتحدث عن ذهاب السيدات للسوبر ماركت

ايه الحكايه دي...
تدخل أي سوبر ماركت..تلاقي الستات لوحدهن...
لا معاهم راجل يشيل ولا عيل كبير معاهم بيساعد
ولو بالصدفه ..البت بنتها راحت معاها...
تلاقيها فص ملح وداب..وتعشش في ركن الماكياجات.
ولو ولد..تلاقيه نام في الركن بتاع الموبيلات..
لحد أمه ماتروح البيت بالحاجات اللي اشترتها...
الستات لوحدهن..
هن اللي بينقوا وبيدوروا وبيشتروا..و بيحاسبوا وبيشيلو الأكياس ..
وممكن كمان تحط حاجتها في العربيه...
وفوق ده كله تلاقيها ملخومه بحتة العيل الغلس
اللي مش مبطل زن...
وتروح البيت بعد الهم ده كله
تبدأ تشيل الحاجات دي كلها على قلبها...
وتطلع السلالم... و ياسلام لو الاسانسير عطلان..
وبعدين تبدأ من جديد ..
تفرز الحاجات وتصنفها اللي اشترتها..
ده يتحط في الرف في المطبخ..
وده يتشال في التلاجه..
وده يتحط في الديب فريزر..
وده في درج الواد اللي مايتسمى اللي سايب أمه معكوكه
و رايح يلعب بلاي ستيشن مع المقاطيع اللي زيه
وده في دولاب الراجل..اللي مبسوط بقرفها
وده على مكتب البنت..اللي قاعده طول الوقت
حاطه السماعات في ودنها..
ومشغله مهرجانات التكاتك..وسعيد الهوا
وبعد كل ده...
تلاقي سبع البورومبه جوزها...وعيالها المفاعيص
يقولوها..وأنت بتعملي ايه يعني..
طيب ياحيله منك ليهم..
الشهر اللي جاي ..خد عيالك وبناتك..
وروحوا اشتروا انتم حاجات الشهر...
وورونا هتعملوا ايه..بسلامتكم
على فكره...ده حاجه واحده بس..
أومال لو قولت الباقي..هيحصل ايه..
خليني ساكت احسن..
أنا بهدي النفوس بس...ههههه
مساؤكم زي وشوشكم... للي سيبينها لوحدها