شرقاويات: الدكتور فتحي الشرقاوي يتحدث عن كيفية أن لا تكون شخصية ساذجة

اللي الناس بيستغفلوها و بيضحكوا عليها...

وبيستغلوا سذاجتها..

النوع ده...بيخسر مرتين... نتيجة سذاجته...

المره الأولى .....

إنها مابتعرفش ترد علي اللي قدامها ..

لما بيضحكوا عليها و بيستغفلوها...

وبالتالي بتشعر بالعجز وقلة الحيلة...

وده في حد ذاته إحساس قاتل...

و بيخليها تشعر كمان بالدونيه...وأنها أقل من غيرها

والمرة التانية....

ان الشخصية دي بتدفع فاتورة عدم ردها...

على اللي بيستغفلها ويستغلها...

وبتفضل تكتم وتشيل وتكبت في نفسها..

لحد ماتتعب نفسيا وجسديا معا.

وده كمان إحساس مر وأكثر من مدمر  قاتل

موقف صعب قووووي...

اتعلموا تردوا ...

على اللي بيستغفلوكم وبيضحكوا عليهم..

مش بطلب منك تهجم عليه...أو تعنفه..

لأ...لأ...لأ...

بس بطلب منك..إنك تعرفه وتفهمه ...

انك مش سهل..وإنك فاهمه...

وممكن كمان تعامله بالمثل..

لكن اللي مانع من كده... أدبك وذوقك وتربيتك...

ماتسكتش ..لأي حد يفكر يستغل طيبتك الزايده...