شرقاويات: فتحي الشرقاوي ينصح الزوجة بعدم الاقتراب من الزوج وهو صامت

احذري الإقتراب منه..
لما يكون ساكت ومش عاوز يتكلم...
ماتضغطيش عليه..مالك؟.في ايه ؟..كلمني؟
لأن سيكولوجية الصمت عند الرجل...
قد تختلف قليلا عن المرأة...وفي فرق كبير بينهم.
الأنثى عندما تصمت و تنسحب عن الكلام
عادة مايكون السبب ....
#رغبتها في الحصول على الدعم النفسي....
من خلال شريك حياتها.
كنوع من طلب مشاعر الدفء والطمأنه....
وكانها تصمت..لكي تقول له..
قرب مني..و اسألني..انا ساكته ليه...
فصمتها في هذه الحاله رسالة ودعوة لشريكها
لكي يتحدث معها ويقترب منها. ... (بتدلع عليه)
تمعنوا العبارة التالية الخفية وراء صمت الأنثى
فيها تلخيص لما أريد قوله...
( خلي عندك دم شويه..أنا ساكته وصامته أهو يبقى أكيد أنا زعلانه منك...يبقى تيجي تكلمني علشان تعرف أنا ساكته ليه ).
في زوج بيفهم بسرعة هذا المعنىوالرساله الخفيه
وفي زوج تاني..مابيفهمش المعنى ده ....
ويقول في نفسه..مش هاسألها ..الا لما تيجي هى تتكلم معايا.....وتقولي هى ساكته ليه
إذاً قمة صمت الأنثى يعني قمة إحتياجها للكلام مع من تحبه.
#ممكن كمان يكون صمتها نوعاً من خوفها من نفسها على رد فعلها العنيف عل من تحب اذا ما ضايقها.
وبالتالي تبعث له رسالة من خلال صمتها...
وكأن لسان حالها الداخلي..بيقول
(انا ممكن أرد عليك..وازعلك واغضبك. .لكن انا فضلت الصمت..علشان أنا خايفة عليك مني...)
يعني من الاخر تعالى و صالحني وطيب خاطري
كل ذلك يعني أن الأنثى تستهدف من الصمت.
دعوة شريكها للإحساس بيها والتعاطف معها.
أما صمت الرجل مختلف تماما تماما....
يعني لو حد حاول يقرب منه لحظات صمته وانسحابه داخل نفسه
حتى لو كانت شريكته يبقى تستاهل اللي يجرالها ساعتها.
عارفين ليه. ..
لأن صمته تدبير وتفكيرهيعمل ايه وهيتصرف ازاي
وايه اللي هيحصل وازاي هيكون ردود الأفعال
بالعربي دماغه شغاله في موضوع بيشغل ذهنه
مش فاضي ساعتها أي حد يطبطب عليه أو يقرب منه.
ولا يقوله مالك أنا شايفاك حزين ومهموم
علشان كده..ياريت تسيبيه في حاله ...
هو أول ما يخلص اللي في دماغه هتلاقيه خرج من كهفه لوحده....
وجالك يقولك ...اعملنا اتنين شاي بالنعناع وحشتيني. هههههه
صباحكم جميل