عضو الزمالك مدافعًا عن والده: اتهامه بتورطه في فشل صفقة زاكري "كلام حقير"

دافع شريف منير حسن عضو مجلس إدارة الزمالك، عن والده منير حسن وكيل الأعمال، بسبب اتهامه بعدم إنهاء صفقة يانيك زاكري لاعب أسيك الإيفواري للقلعة البيضاء، بسبب طلبه الحصول على عمولة.

وقال عضو الزمالك في حسابه الشخصي بـ"فيس بوك":" والدى وكيل لاعبين من 86 و معروف انه وكيل لاعبين مش محامى....والدى مش مستنينى اكون عضو مجلس إدارة! والدى الذى احضر إيمانويل و كوفى و كلوبالى و غيرهم و اتوفيستر و كابرال و مدرب الأحمال الحالى و بدون عمولات من نادى الزمالك".

وشدد:" اقسم بالله لم أتدخل فى عمله مع النادى و أول موسم صفقات كنت على علم عن أسامى الاعبين الذين نقوم بالتفاوض معهم و كنت انا من اخترت على جبر و آخرين و لم أتحدث و لا اساعد والدى فى عمله و يسأل عن ذلك المحترم احمد سليمان...والدى عرض لاعبين الموسم الماضي نجوم حاليا و آخرهم لاعب نادى الأهلى وقع معه...عيب اوى الكلام الحقير المتداول حاليا حول الاعب زاكرى".

وكشف حقيقة الموضوع قائلًا:" والدى عرض الاعب و احد الاشخاص من النادى كلم الاعب مباشرة و والدى انسحب من الموضوع....و بعد فشل الشخص فى الحصول على توقيع الاعب رمى فشله على والدى و سمعة والدى اللى هو معروف عنه مدى احترامة و حبه و أخلاصه للنادى...يعنى والدى اتصل باللاعب و قاله أرفض النادى؟!و جواب العموله ده شى طبيعى فى عمل والدى..عرض 300 ولا 200 ولا اى حاجة على النادى الاخر اقسم بالله معرفش بس اكيد اوفر من ادفع لى وكيل 300 الف دولار لوحدة".

وتابع:" فى ناس للأسف شايفة نفسها أكبر من الزمالك و مايعرفوش قيمة الزمالك و انا حلتزم الصمت عشان انا عارف معنى نادى الزمالك".

وألمح عضو الزمالك بكلامه إلى أحد الأشخاص معلقًا:" نصيحه فقط كمال درويش و جلال إبراهيم أعظم بطولات الجمهور فاكرهم عشان محترمين و الناس بتجيب سيرتهم بالخير مش عشان بطولة وأنا اتمنى اكون ربعهم....البطوله للنادى و اللاعبين و التاريخ".