أول الثانوية العامة بالدقهلية يوجه رسالة مؤسفة لرئيس الجمهورية!
وجه محمد أحمد هانى عبدالحى من مدينة المنصورة بمحافظة الدقهلية طالب بمدرسة زهراء الثانوية للغات رسالته للرئيس عبدالفتاح السيسى قائلا: "التعليم سئ جدا ويحتاج لتغييرات ، أنا مش عارف العيب فى المنهج ولا فى إيه بس المفروض المدارس تتطور".
وقال "محمد" مكنتش بأعمل جدول أو نظام معين بس كنت بأعتمد على الدروس عندى درس عربى النهاردة أذاكر عربى عندى درس إنجليزى بأذاكر إنجليزى والدروس كانت الجدول بتاعى وكنت بأخد دروس فى المواد كلها، كنت بأروح المدرسة كام يوم بعد قرار الدرجات والحضور معظم الناس عملت كده.
واضاف : "كل واحد بيآخد منهج سنة وخلصناه والسنة اللى بعدها بيرميه يبقى كده إيه اللى إستفدناه إتعلمنا إيه ماطلعتش بحاجة، والكيمياء مثلا المفروض نشتغل فى المعمل وده مبيحصلش حياة مملة وطويلة.
و أكد " محمد " أن مثله الأعلى الدكتور أحمد زويل والدكتور مجدى يعقوب، مضيفًا :"أنا كنت حابب كلية طب بس هاقعد 7 سنين ليه وسألت الأطباء نفسهم أغلبهم ما حبوش المهنة وإن شاء الله أنا عاوز أدخل طب وكليات طب وأسنان وصيدلة بأحس إنها مفروضة عليا موضوع التنسيق مشكلة، وحسيت إني فى هندسة مش هكون مميز، ومكنتش متوقع أكون من الأوائل على الجمهورية كان توقعى الأول على المدرسة.
وأشار "محمد" أنه لم يحاول النظر إلى موضوع التسريبات التى تتم على موقع التواصل الإجتماعى وكان يشعر ببعض الإحباط ولكن المجتهد هو من يفوز واللى بيغش كده كده هينفع إزاى ولو دخل طب مثلا هيعمل إيه.
