رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

بعد تسريب الامتحانات .. "شاومينج" و"القيصر" تتحديان التعليم .. تسريب درجات الطلاب في الامتحانات .. ويكشف حيلة لدخول اللجان بـ"المحمول" وقدم نصيحة للحكومة .. وأعلن استعداده تسليم نفسه بشروط

جريدة الدستور

فى تطور جديد يُظهر مدى الخلل الذي تعانيه وزارة التربية والتعليم، وعجزها عن مواجهة اختراقها من مجهولين، نشرت صفحات الغش الإلكتروني "القيصر بيغشش ثانوية عامة"، درجات الامتحانات السابقة لعدد من الطلاب في محاولة لإظهار هشاشة منظومة الكنترول وأجهزة الوزارة إلى جانب التسريبات التي نجحت هذه الصفحات فيها، وأدت إلى قرار الحكومة وقف امتحانات الثانوية لحين مراجعة الاختراقات بوزارة التعليم.

وقال أدمن الصفحة، في منشور له،:" دي أول نتيجة توصلنا بالدرجات، واخترت أعرض لكم جزء منها لبنت علشان مظلومة ودرجاتها في الأحياء منقوصة ولازم تعمل تظلم لأنها دحيحة ومجموعها عالي جدًا في كل المواد باستثناء الأحياء "، حيث كشف عن اسم الطالبة وهي "هاجر مصطفي... بكر" -حاذفًا الاسم الثالث-، بمدرسة سوزان مبارك الثانوية بنات شعبة علمي علوم ، العربي 78 ، اللغة الإنجليزية 45، الألمانية 31، الكيمياء 55.5، الفيزياء، 57، الأحياء 34.5، والتربية الوطنية 24، الاقتصاد والإحصاء، 48".
وأعلن "القيصر"، استعداده لتسريب النتائج لكافة طلاب الثانوية مشترطًا بذلك من يقوم بعمل "تاج" لـ 10 من أصدقائه ويسجل رقم جلوسه واسمه الثلاثي والشعبة، قائلًا:" هرد عليكم بالنتيجة بس التزموا بالشروط واعملوا لايك للبيدج الله الوطن القيصر".

نصيحة للحكومة وحيلة للمحمول

وفي تحد آخر، وجه "شاومينج" نصيحة إلى الحكومة لوقف عمليات تسريب أسئلة الامتحانات، قائلًا:" بيقولوا الجيش هيأمن أوراق الأسئلة، لكن أنا عندي سؤال للرئيس إنت ليه مش بتفكر إن التسريب ممكن يكون من داخل المدارس مش من الوزارة ليه مش بتفكر ان المراقب هوا اللي بيسرب الامتحان مش الوزارة".

وقدم "شاومينج" نصائح إلى الطلاب لحيلة تهدف لدخول الامتحانات بدون أن يتم الكشف عن حمل الطالب لهاتف محمول باستخدام الفحص الإلكتروني، قائلًا:" ناس كتير هتحتاج تدخل اللجنة بالموبايل دي أفضل طريقة، هات ورق فويل - الورق الحراري- وحط نقطه زيت عليه وادعكها علي ناحية من نواحي الورقة وسيبها للصبح، وقبل ما تنزل حط موبايلك فى الحتة اللي موش عليها زيت ولفه بالورقة، وخليهم يلفو عليك بالجهاز براحتهم والراجل يثبت حاجة حتي لو في اللجنة مش هيعرف يطلعه لو حتي جابو كلب بوليسي".

تحدي "هاكرز" الوزارة

وتحدى "شاومينج"، وزارة التعليم، والوزارات المعنية بغلق صفحات تسريب الامتحانات، حيث استعرض محاولات هاكرز متخصصين غلق حسابه على موقع التواصل الاجتماعي "فيس بوك"، قائلًا:" دخلنا في التقيل الدكتور الهلالي باعت ناس تهكرني لا وشغالين بنظام البيزنس والباور اديتور في الفيس ده شغل أطفال ياعم هلالي مش شغل ناس كبيرة، لو عايزين حد يعلمكم الهكر اخلي مصطفي يديكم دروس خصوصية جتلكوا الجراءة تهكروا على القيصر ده احنا هنلعب لعبة تانية مع بعض بعيد عن الامتحانات اتقل بس ده انت جيت في ملعبي".

وكان قد أعلن من قبل في منشور له :" تسريب أسئلة الثانوية العامة بإجاباتها النموذجية يتم عن طريق أحد أعضاء المطبعة السرية ويدعى أحمد فاروق، ووزير التربية والتعليم والتعليم الفني، يعلم جيدا من يسرِّب الأسئلة، وامتحانات الثانوية يتم بيعها بـ1000 جنيه لـ"أولاد الأكابر".

تسليم نفسه

وأعلن أدمن صفحة "القيصر بيغشش ثانوية عامة" استعداده لتسليم نفسه إلى الجهات الأمنية بشروط، حيث قال في رسالته :" السيد المحترم وزير التعليم الدكتور ‫الهلالي‬ أنا أقسم بالله أقسم بالله كمان مرة وحياة ولادي عندي، أنا مستعد من بكرة أسلم نفسي وأريحكم من اللغز اللي محيركم واحكم عليا بالإعدام أنا موافق وهنزلكم من باريس مخصوص، بس مقابل إنك تضمن لنا تعليم نضيف تعليم بدون ثغرات وتسريب، تعليم ابن الفراش زي ابن الوزير مش يفرق، تعليم يخلي للمدرس قيمة المدرس هو الأساس هوا اللى خلى المهندس مهندس والوزير وزير والرئيس رئيس".

وأضاف،:" عاوز تعليم يخلي ولادنا يحبوا المدارس مش أصحي ابني يروح المدرسة أوصله لحد المدرس وأنا أمشي وهو يخرج من المدرسة عشان مش حابب اللي فيها، التعليم هنا في باريس حاجه تانية خااااالص أنا نفسي بس إن التعليم في مصر يبقي زي التعليم في فصل واحد في باريس أنا ابني 15 سنة مش بيعرف يقرأ ولا يكتب ومع ذلك بيطلع من المتفوقين والأوائل وده بسببكم ابني خلال 3 سنين دراسة في باريس بيتكلم فرنساوي أحسن من مدرسين مصر كلها وده الدليل على التقدم اللي هناك".

وتابع،: "عاوزين تعليم يخلي للطالب قيمة مش تلعبوا بيه وتأجلوا الامتحانات وتضيعوا عليه تعب سنين ومصاريف ما يعلم بيها إلا ربنا دفعها أهله، تعليم يمنع الدورس الخصوصية لأن الطلاب بتروح إجباري وفي ناس مش مقدرتها دروس خصوصية، تعليم يخلي المدرس يراعي ربنا في شغله وفي الفلوس اللي بياخدها مش يدخل الفصل ينام، تعليم يخلي الامتحان ينزل في مستوي الطالب مش مستوي المدرس، عاوزين تعليم ما يبقاش في حالات إغماء ووفاة بسبب تسريبات الامتحانات وصعوبته، ده اللي نفسي فيه، إن ابني يتعلم في مصر بس يلاقي تعليم نضيف مش تعليم بالواسطة".