أحمد عزمي: "اتحبست مع الإخوان شهر.. وكنا بنصلي مع بعض"

علق الفنان أحمد عزمي، على حبسه 6 أشهر بتهمة حيازة ترامادول، قائلًا "الضربة اللي مبتموتش بتقوي، والحمدلله اتعلمت كتير في الفترة دي، وشوفت حاجات مشوفتهاش على مدار عمري كله".
وتابع "عزمي"، خلال حواره مع الإعلامي وائل الإبراشي، في برنامج "العاشرة مساءً"، المُذاع على فضائية "دريم"، "أنا مؤمن بالله، وليا رصيد عند الناس، وهحاول الفترة الجايه إني ارجع للناس تاني.
وأشار إلي أنه جلس في 5 سجون خلال الستة أشهر، وكان يتم ترحيله من سجن لآخر بأوامر عليا، مضيفًا "قعدت مع الإخوان شهر، وكانوا في غاية الظرف معايا، وكنا بنصلي مع بعض، وفي مناقشات حصلت بينا، وكانوا بيحبوا يسمعوني، لاني عملت دور في مسلسل الجماعة كنت فيه بجسد دور قيادة إخوانية، وقرأت كتير عنهم، وهما بقالهم فترة كبيرة في تحقيقات وكانوا عاوزين يعرفوا وجهة نظرنا فيهم".