بالفيديو.. عمرو أديب : اقتحام نقابة الصحفيين فضيحة وتعسف في استخدام القوة
علق الإعلامي عمرو أديب، على اقتحام الأمن نقابة الصحفيين، قائلًا "الداخلية اقتحمت نقابة الصحفيين في سابقة تاريخية هي الأولى من نوعها، من أجل القبض على شابين داخل الوزارة، مطلوب ضبطهم وإحضارهم، بالرغم من أن النقابة قالت أنها ستقوم بتسليمهم الثلاثاء القادم".
وتابع "أديب"، خلال برنامجه "القاهرة اليوم"، المُذاع على فضائية "اليوم"، "مش قادرين يستنوا يومين، الاتنين لا إرهابيين ولا قاتلين وهيتقبض عليهم، والنقابة قالت هتسلمهم، لكن اللي حصل ده مشهد رهيب، اقتحام الامن للنقابة والقبض على الصحفيين من داخلها، ايه الاستفادة من كده؟".
وأضاف منفعلًا "هذا المشهد لا يمكن تقبله، وهيبقى فضيحة في العالم كله، لان نقابة الصحفيين هي حصن الحرية، يوم الجمعة اللي فات قفلتوا شارع نقابة الصحفيين واحنا تفهمنا ده وقولنا ماشي، لكن اللي بيحصل ده كتير أوي وتعسف في استخدام القوة، والشباب دي لا مقطع الأمن ولا معاه مولوتوف ولا خاطفين النقابة عشان يقتحموا النقابة عشانهم، ليه عاوزين تصدروا للعالم والمصريين أن قبضة الداخلية عادت بهذا الشكل".
وأستطرد "اتوقع أن يقوم الصحفيين اليوم بمسيرة ومظاهرة واعتصام بالنقابة"، متسائلًا "اللي خد القرار ده مسألش حد كبير؟، مسألش الوزير؟، وايه تقييم الوزير السياسي؟".
